Monday , April 15 2024
Paolo Contis, Yen Santos

Paolo inaming si Yen ang kasama sa Manaoag

HATAWAN
ni Ed de Leon

FINALLY, inamin na rin ni Paolo Contis na siya ang may kasalanan sa naging paghihiwalay nila ni LJ Reyes at sa kanya rin mismo nanggaling na “naging gago ako.” Nakiusap din siya sa mga tao na huwag nang i-bash pa ang ibang mga tao, lalo na ang mga kumampi pa sa kanya dahil “wala naman silang kasalanan. Ako lang.”

Hindi rin niya naitanggi na nagkaroon ng third party sa kanilang relasyon at isa iyon sa mga dahilan kung bakit nasira ang kanilang pagsasama, pero noon pa raw iyon at hindi siyang dahilan ng kanilang paghihiwalay.

Hindi rin niya naikaila na si Yen Santos nga ang sinasabing “mystery woman” na nakitang kasama niya at ka-holding hands pa sa Manaoag, Pangasinan. Pero sinabi niyang si Yen ay kaibigan lang, kinumbida niya noong magbakasyon siya sa Baguio matapos na maghiwalay sila ni LJ ng isang araw lamang para mayroon siyang makausap. Medyo malayo iyan sa nauna niyang post na nangatuwiran pang paano raw nasabing siya iyon eh may face mask. Gayunman, pinanindigan niyang wala silang relasyon ni Yen kundi kaibigan lang.

Tama ang ginawang iyan ni Paolo, after all wala naman siyang choice kundi aminin ang kasalanan. Hindi man niya aminin iyon, dahil sa internet interview ni LJ na nakakuha ng simpatya ng mga tao, wala na siyang magagawa. Marami kasi ang nag-download ng interview na iyon sa internet at nai-post iyon sa iba’t ibang sites at maging mga personal accounts sa social media. Sa panahong ito, wala nang depensa ang mga artista dahil sa mga usapan sa social media, na marami ang mga pakialamero, mga “pabida” at mga “mema.”

At saka ang nangyari kasi, parang burned na rin si Paolo dahil sa halos kaparehong ending nila ng naunang asawang si Lian Paz.


Ang nangyari kay Paolo, para rin iyong nangyari kay Gerald Anderson na nabantad na ang mga tao sa kanyang mga katuwiran, kaya ano mang
damage control ang gawin nila, hindi na rin kinakagat ng mga tao at ang sinasabi ay, “talaga namang ganyan siya eh.” Sa ngayon, hindi mo masasabing makakabangon agad si Paolo. Siguro dapat magpalipas pa siya ng panahon. Magpa-good boy siya ulit. Dahil kung masasabit pa siya sa isa pang controversy, baka hindi na siya makabawi. Sayang siya, talented pa naman talaga.

About Ed de Leon

Check Also

Jameson Blake Lovi Poe

Jameson ibang-iba ang role sa Lovi Poe starrer

I-FLEXni Jun Nardo PAHINGA muna sa mga edgy roles ang aktor na si Jameson Blake sa bagong Regal movie …

Ice Ganda Vic Sotto Ice Seguerra

Ice nanggulat sa Eat Bulaga bumagay Ice Ganda 

I-FLEXni Jun Nardo TINAWAG na Ice Ganda ni Joey de Leon si Ice Seguerra nang magbihis babae ito sa birthday episode ni Vic …

blind item

Boylet ni Showbiz Gay namamaga ang lalamunan, madalas ding may lagnat

HATAWANni Ed de Leon KUWIDAW ang isang showbiz gay, nalaman kasi niya na ang kanyang boylet …

Kathniel Kathryn Bernardo Daniel Padilla

Daniel tanggap na ang katotohanang hindi na sa kanya si Kathryn

HATAWANni Ed de Leon PARANG kampante pa rin si Daniel Padilla kahit na maliwanag pa sa sikat …

GMA7 ABS-CBN

Mga serye ng ABS-CBN mapapanood na rin sa GMA

HATAWANni Ed de Leon TOTOO iyon na may mga serye raw ng ABS-CBN  na papasok na sa …

Leave a Reply

Your email address will not be published. Required fields are marked *