Joshua kapareha ni Jane sa Darna; Julia, Heaven, at Yen bagay daw na Valentina

MA at PA
ni Rommel Placente

INANUNSIYO na ng ABS-CBN ang mga gaganap sa Darna: The TV Series na pagbibidahan ni Jane de Leon. Kapareha niya rito si Joshua Garcia, bilang si police officer Bryan Robles.

Ang iba pang kasama sa cast ay si Zaijan Jaranilla, na gaganap bilang si Ding, na nakababatang kapatid ni Narda/Darna.

Ang iba pang kasama sa cast ay sina Kiko Estrada, Iza Calzado, Rio Locsin, Richard Quan, Simon Ibarra, Levi Ignacio, Mark Manicad, Young JV, Marvin Yap, Gerard Acao, Joj Agpangan, Tart Carlos, L.A Santos, Yogo Singh, at Zeppi Borromeo.

Wala pang inanunsiyo ang Kapamiya Network kung sino ang gaganap bilang Valentina, ang karakter na may mga ahas sa ulo.

Pero maraming nagsuhestyon na mga netizen na pagpilian na lang sina sina Julia Barretto, Yen Santos o ‘di kaya’y si Heaven Peralejo.

Pakinggan naman kaya ng ABS-CBN ang suhestiyon ng mga netizen? Kunin nga kaya nilang Valentina ang girlfriend ni Gerald Anderson, kahit umalis na ito sa kanila at lumipat sa Viva? Or ibigay nila sa isa kina Yen at Heaven ang role na Valentina? Or baka wala naman sa tatlo ang pagpilian nila at may ibang aktres silang napili para sa nasabing role?

Well, abangan na lang natin kung kanino mapupunta ang role na Valentina.