Thursday , October 28 2021
Paolo Contis

Paolo iginiit, 3 days lang siya sa Baguio

KITANG-KITA KO
ni Danny Vibas

ITINANGGI ni Paolo Contis ang sinasabing more than three days siyang nasa Baguio City kasama ang aktres na si Yen Santos.

Ito ay base sa text message na ipinadala n’ya sa talent manager at showbiz reporter na si Ogie Diaz. Binasa ‘yon ni Ogie sa vlog n’ya na inilabas kahapon, September 12.

Text ni Paolo kay Ogie, ”Ang sabi nila, five days daw kami sa Baguio ni Yen. May nasulat naman 10 days daw kami. Pakisabi gawin na nilang 30 days para happy sila.”

Base sa mga larawang inilabas sa social media, August 25 pa lang ay may nakakita na kay Paolo sa isang Ramen restaurant sa Baguio.

Noong August 27 ay lehitimong namataan sina Paolo at Yen sa isang restaurant.

May netizen din kasing nagsabi na September 3 ay nakita pa si Paolo sa Baguio.

Pero ayon sa text niya kay Ogie, August 28 ay nasa Maynila na siya para um-attend sa kanyang showbiz commitments.

Patuloy ni Paolo, ”Paano mangyayari iyon? August 28 nagpabakuna ako sa Caloocan. August 30, nag-taping ako ng ‘Bubble Gang.’ September 3, nag-taping ako ng ‘Dear Uge.’

“So ano iyon, inaaraw-araw ko ang akyat-panaog sa Baguio? Ano ito, road trip every other day?”

Sinabi rin ni Paolo na sana ay mag-post naman daw ang mga nagpa-picture sa kanya noong nagpabakuna siya noong August 28.

Hinaing niya: ”Bakit walang nag-post? Hahaha. Now is the best time, i-post niyo iyon dahil pinagbibintangan akong lima o 10 araw sa Baguio. Sayang, walang CCTV noong nagpabakuna ako.”

Sa statement naman na ipinost ni Paolo tungkol sa hiwalayan nila ng longtime partner na si LJ Reyes, sinabi niyang tatlong araw siyang nanatili sa Baguio pagkatapos lumipad ni LJ papuntang United States. Ito raw ay para makapag-isip-isip.

Niyaya raw niyang sumama si Yen “as a friend” at idinenay niyang ang leading lady sa A Faraway Land ang third party sa hiwalayan nila ni LJ.

About Danny Vibas

Check Also

Blind Item, Gay Lovers, matinee idol, male star

Baguhang aktor boy toy ni Matinee Idol

ANG lakas ng tsismis na ang isa raw baguhang male star, na talaga namang pogi at sexy …

Aiko Melendez

Aiko ba-boo na sa Prima-Donnas 2

I-FLEXni Jun Nardo UM-EXIT na si Aiko Melendez sa lock in taping ng Kapuso searies na Prima Donnas 2. Walang …

Mel Sarmiento, Kris Aquino, Herbert Bautista

Bistek happy kay Kris

I-FLEXni Jun Nardo SIMPLENG, ”I’m happy for her!” ang tweet ni senatoriable Herbert Bautista at post sa …

Niana Guerrero, DJ Loonyo

DJ Loonyo wish maka-collab si Niana Guerrero

MA at PAni Rommel Placente SA guesting ni DJ Loonyo kamakailan sa show namin sa FYE Channel sa Kumu …

Sylvia Sanchez, Arjo Atayde, Art Atayde

Sylvia ‘di sang-ayon sa pagpasok ni Arjo sa politika — Pero anak ko ‘yan susuportahan ko

MA at PAni Rommel Placente AMINADO si Sylvia Sanchez na noong una ay hindi siya sang-ayon …

Leave a Reply