Friday , December 3 2021
Jake Cuenca, Dimples Romana, Joshua Garcia, Charlie Dizon, Miko Raval, Viral

Joshua sakaling may video scandal — mag-e-explain kung kailangan, ‘pag hindi tahimik na lang

FACT SHEET
ni Reggee Bonoan

DIRETSONG tinanong si Joshua Garcia kung sakaling ma-involve siya sa isang video scandal ay aaminin ba niya ito?

Related ang tanong dahil ang bagong TV series ni Joshua ay may titulong Viral Scandal na mapapanood na sa Nobyembre sa Kapamilya Channel, TV5, A2Z Kapamilya Online Live, iWantTFC at TFC IPTV.

Sandaling nag-isip muna ang aktor, “Well, ako, depende siguro sa sitwasyon, depende sa klase ng video na nag-viral. Kung alam ko na kailangan kong mag-explain, mag-e-explain ako. Pero ‘pag kailangan kong huwag na lang magsalita, ganoon na lang ang gagawin ko. Depende talaga sa sitwasyon.”

Tama rin naman dahil may mga viral video na kusang mamatay ang isyu kung hindi papansinin, depende nga talaga sa sitwasyon.

Natanong ulit ang aktor kung ano ang reaksiyon niya na crush pala siya ni Ivana Alawi na inamin niya kay Ogie Diaz sa vlog na nasa YouTube channel nito at chatmate pala sila sa Instagram.

Parang batang nagtakip ng mukha si Joshua dahil nahiya raw siya.

“Ako, pag may humanga sa akin, nakakadagdag ng confidence ‘yun sa lalaki, ‘di ba? ‘Di ko alam ang reaction ko. Siyempre thank you kasi naa-appreciate ‘yung work ko na ginagawa.

“Base sa nakita ko at narinig ko, na-appreciate niya yata ‘yung acting ko, thankful, sobrang thankful ako. As an actor, maraming salamat. Yeah, I’m open na maging magkaibigan, okay lang sa akin,” nakangiting sagot ng aktor.

Deadma naman siya sa sinabing nagkaka-chat sila sa IG na para siguro sa binata ay personal thing na nila iyon ni Ivana.

Isa pang tanong ay ‘yung na-link siya kay Ria Atayde dahil may mga lumabas na mga larawan sa Instagram na sila lagi ang magkalapit kapag may group picture kasama ang mga kaibigang sina Daniel PadillaKathryn Bernardo, Marco Gumabao, Daniel Miranda, at Sofia Andres na tinawag na Nguya Squad ang grupo.

In general ang sagot ni Joshua, “Sila kasi ‘yung nandoon para sa akin especially noong nag-pandemic. Nakakulong lang ako palagi sa kuwarto, ‘di kasi ako mahilig lumabas.

“Laking tulong niyong ginawa nila na lumalabas kami, ang dami naming activities na ginagawa.

“Sila rin kasi ‘yung nandiyan noong time na noong may problema ako, sila ‘yung nandiyan para sa akin. ‘Di sila nawala, aminado ako na nawala ako.

“Hayun, sobrang pasasalamat lang, sobrang grateful ko na nandiyan lang sila para sa akin. Sobrang suwerte ko na naging kaibigan ko sila.”

Pero hindi si Ria na kasama rin Viral Scandal ang love interest ni Joshua kundi si Charlie Dizon.  Kasama rin sa serye sina Dimples Romana at Jake Cuenca with support nina Aljon Mendoza, Karina Bautista, Louise Abuel, Jameson Blake, Kaila Estrada, Markus Paterson, Vance Larena, Miko Raval, Gian Magdangal, Aya Fernandez,at Maxene Magalona. 

Sina Froy Allan Leonardo at Dado Lumibao ang mga direktor handog ng ABS CBN Entertainment under RCD Narratives.

About Reggee Bonoan

Check Also

Klinton Start Aspire Magazine

Klinton Start cover ng Aspire Magazine, may serye pa sa ABS-CBN

MATABILni John Fontanilla HAPPY si Klinton Start dahil sa dami ng proyektong ginagawa niya ngayon. Bukod sa napili ito ng publisher …

Samantha Bernardo

Samantha ‘di nakasali sa MUP

MATABILni John Fontanilla SASALI pala sana ang Miss Grand International 2020 1st runner-up Samantha Bernardo sa 2021 Miss Universe Philippines.At kahit alam nito …

Jeyrick Sigmaton Carrot Man

Carrot Man Jeyrick wagi sa NY

RATED Rni Rommel Gonzales NI sa panaginip ay hindi inaasahan ni Jeyrick Sigmaton na magkakaroon siya ng isang international …

Miguel Tanfelix

Miguel ayaw sa babaeng maarte

RATED Rni Rommel Gonzales INILAHAD ni Voltes V: Legacy star Miguel Tanfelix ang nag-iisang ugali na ayaw sa isang babae sa …

Alden Richards, Jasmine Curtis-Smith, Tom Rodriguez, The World Between Us

Serye nina Alden, Tom, at Jasmine nasa GTV na

RATED Rni Rommel Gonzales HINDI mo ba napapanood ang The World Between Us sa GMA? Huwag mag-alala dahil mapapanood …