HATAW! D'yaryo ng Bayan hatawtabloid.com
Sa darating na Lunes, 13 Agosto ay magsisimula nang bumida sa ABS-CBN primetime bida ang apat sa mahuhusay na artista sa Kapamilya network na sina Jericho Rosales, Sam Milby, Yam Concepcion, at Yen Santos sa sinasabing mapusok na teleserye ng taon na “Halik.”
At bongga dahil idea pala ni Ma’am Charo Santos ang title ng serye na pinasikat ng grupong Aegis, na agad niyang ipinagawa sa isa sa kanilang business unit head sa network na si Direk Ruel S. Bayani.
And knowing Direk Ruel expertise, niya ang mga ganitong klase o tema ng teleserye na bago sa panlasa ng mga manonood. At may kani-kaniyang description ng halik itong sina Jericho at Yam. Si Echo naghanap ng ibang klaseng halik na aminadong nagloko minsan kahit na kasal na sa kanyang magandang wife na si Kim Jones.
Masyado naman daw nasarapan si Yam sa mga eksenang halikan nila ni Jericho na gumaganap na husband niya sa Halik. Pero susubukin ng matinding pagsubok ang relasyon ng dalawa kung saan makikilala ni Yam si Sam na married naman kay Yen at itong si Yen naman ay may nakaraan kay Jericho. Muli kayang matukso ang isa’t isa?
Sina Sam at Yen ay may matinding love scene rin dito. Saan hahantong ang relasyon ng dalawang mag-asawa. Umpisa palang ang ingay-ingay na ng nasabing teleserye na siguradong magpapainit ng inyong gabi. Kokompleto sa palabang cast ng “Halik” ang ilan sa pinakamagaling na beterano at baguhang artista sa bansa kabilang sina Amy Austria, Alan Paule, Precious Lara Quigaman, Romnick Sarmenta, Cris Villanueva, Almira Muhlach, Christian Bables, Hero Angeles, Chai Fonacier, JC Alcantara, Jane De Leon, at Gab Lagman.
Sina Cathy Camarillo at Carlo Po Artillaga ang mga direktor ng programa. Huwag kalimutang panoorin ang “Halik” gabi-gabi, sa Primetime Bida sa ABS-CBN pagkatapos ng “Bagani” simula sa susunod na Lunes, 13 Agosto 2018.
VONGGANG CHIKA!
ni Peter Ledesma
