Saturday , January 28 2023

Pasahe minamanipula ng grab, Angkas, aprobahan na — Imee

SINUSUBOK ng Grab ang pasensiya ng kani­lang mga pasahero.”

Ito ang galit na pahayag ni Senador Imee Marcos matapos ulanin ng reklamo ang Grab dahil sa lampas-dobleng singil sa pasahe gayong naki­pagkasundo sa gobyerno na lilimitahan ang fare hike ngayong Disyembre sa 22.5 porsiyento lamang.

“Monopolisado ng Grab ang ride-hailing service kaya nila naga­gawa ito. Dapat maging mapagbantay tayong lahat lalo na ang mga nasa gobyerno at huwag palusutin nang basta na lang ang mga pang-aabusong ito,” pahayag ni Marcos.

Isang buwan pa lang ang nakalipas nang iutos ng Philippine Competi­tion Commission na ibalik ng Grab sa kanilang mga customer ang P23.5 milyon na sobrang singil nito sa pasahe.

Sa ipinakitang screen­shot ni Marcos, ang biyaheng isang kilometro lamang na dati ay sinisingil ng wala pang P100 ay P245 na ngayon via GrabCar o P231 hanggang sa P346 via GrabTaxi.

Kaugnay nito, isinu­sulong ni Marcos ang Senate Bill 409 na paya­gan ang Land Tran­sportation Franchising and Regulatory Board ang Angkas na gawing lehitimo at alternatibong sasakyan ng publiko sa gitna ng matinding sikip ng trapiko, at maka­pagbibigay din ng dagdag trabaho.

“Sana umangkas na ang LTFRB sa diwa ng Pasko at regalohan ng siguradong trabaho ang mga Angkas driver,” ani Marcos.

Paliwanag ni Marcos, sa 15,000 Angkas drivers, 4,000 o higit pa sa 25 porysiento ang hindi nakatapos sa kolehiyo o kaya’y dating walang trabaho.

“Ang pinakamatrapik na mga lugar sa ating bansa partikular sa Metro Manila, Cebu at Davao ay nananawagan din magka­roon ng maginhawa at mabilis na uri ng trans­portasyon na tulad ng motorsiklo,” dagdag ni Marcos.

(CYNTHIA MARTIN)

About Cynthia Martin

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply