Saturday , November 27 2021

Diokno ‘sumibat’ sa ‘tate — Andaya (Sa P75-B budget insertions)

Hataw Frontpage Diokno ‘sumibat’ sa ‘tate — Andaya (Sa P75-B budget insertions)
Hataw Frontpage Diokno ‘sumibat’ sa ‘tate — Andaya (Sa P75-B budget insertions)

BINATIKOS muli ni House Majority Leader Rolando Andaya Jr., si Budget Secretary Benjamin Diokno dahil sa pagkilos nito taliwas sa kanyang mga pananalita.

Ayon kay Andaya, tumakas si Diokno patu­ngong Estados Unidos imbes harapin ang mga kongresista sa pagdinig ngayon sa Naga City patungkol sa, umano’y P75-bilyong pondong isiningit sa panukalang budget para sa 2019.

“Bumatse. Sec. Diokno is in the United States, how can we invite him? What happened to his ‘job first before leisure’ statement? His presence is very important to shed light on his questionable practices in the budget process. For the sake of transparency and accountability, he should explain and come clean,” ani Andaya, ang pinuno ng House committee on rules.

Nauna nang sinabi ni Diokno ang katagang “duty first before leisure” sa mga mambabatas ha­bang hinimok niya sila na ipasa nang maaga ang panukalang pambansang budget noong nakaraang Disyembre.

Inimbitahan si Diokno upang magpaliwanag patungkol sa umano’y mga katiwalian sa pag­gamit ng pera ng bayan sa mga distrito ng mga mambabatas.

Itinanggi ni Diokno ang mga paratang.

Ayon kay Andaya, itutuloy nila ang pagdinig kaugnay sa mga kon­trobersiyang bumabalot sa ‘flood control scam’ at iba pang mga katiwalian sa mga proyekto sa Bicol region kahit wala si Diokno.

“We will proceed with the probe despite his (Diokno’s) absence. It’s his loss, not ours,” ani Andaya.

Nakahanda na ang komite sa pagdinig nga­yong 10:00 am sa Avenue Plaza Hotel sa Naga City, higit dalawang oras ang biyahe mula sa Legazpi City.

Kasama ni Andaya ang ilang mga kongre­sista na sina House Mino­rity Leader at Quezon Rep. Danilo Suarez, senior House Deputy Majority Leader at 1SAGIP party-list Rep. Rodante Mar­coleta, COOP NATCCO party-list Rep. Anthony Bravo at Ako Bicol party-list Rep. Alfredo Garbin, Jr.

Bumiyahe rin ang ilan sa mga House reporter patungong Naga para mag-cover sa pagdinig.

Naglabas ng sub­poena ang Kamara para padaluhin ang mga contractor at mga engineer na umano’y kinalaman sa anomalya.

Ayon kay Magdalo party-list Rep. Gary Alejano dapat dumalo si Diokno sa pagdinig.

“Without assuming who the real culprits behind these multi-billion [peso] insertions are, an investigation is deemed proper since we are talking about the people’s money. Secretary Diokno, being the budget chief, is most fitting to answer these allegations,” ani Alejano.

ni Gerry Baldo

About Gerry Baldo

Check Also

Most wanted rapist sa Tarlac nakalawit

NASUKOL ng mga awtoridad ang isang lalaking nakatala bilang most wanted person (MWP) sa lalawigan …

2 nang-abuso, inihoyo 3 huli sa pot session, 3 pugante arestado

DINAKIP ng mga awtoridad ang dalawang lalaking may kasong pang-aabuso gayondin ang tatlong hinihinalang drug …

Sa Pampanga
KASO NG PAMAMARIL NG PULIS SA TEENAGER NASA PISKALYA NA

NAISAMPA na sa piskalya ang kasong Homicide na inihain laban sa isang pulis na nakadestino …

Quarry operator na sinabing land grabber inireklamo

NAHAHARAP sa asunto ang tinukoy na quarry operator ng isang residente sa Sitio Upper Bangkal, …

Joy Belmonte bike tiniketan

QC Mayor sinita, tiniketan sa ‘di pagsusuot ng helmet

KABILANG si Quezon City Mayor Joy Belmonte sa mga biker na sinita at tiniketan dahil …

Leave a Reply