Thursday , April 18 2024

Nat’l budget bubusisiin bago ipasa — Nograles

BUBUSISIN ang panu­kalang P3.7 trilyong bud­get para sa taong 2019 bago ipasa sa pangatlo at huling pagdinig.

Ayon kay Davao City Rep. Karlo Alexei Nograles, pinuno ng Committee on Appropriations,  magdo-double time ang Kamara sa pagbusisi sa budget para maipasa ito bago mag-adjourn sa Oktubre.

Anang mambabatas, medyo nahuli sila sa pag-uumpisa sa pagdinig ng budget pero gagawan nila ito ng nararapat na para­an para matapos at mai­pasa.

Naantala ang pagdinig sa budget matapos matuk­lasan na may mahigit P50 bilyong pondo ang naka­tago sa Department of Public Works and High­ways (DPWH) para sa piling kongresista.

Ang pondo ay pag-uusapan ng “committee of the whole” kung saan ito ililipat.

Ayon kay House Majo­rity Leader at Camarines Sur Rep. Rolando Andaya, Jr., maganda ang umpisa ng pagdinig sa budget noong Miyerkoles.

Nag-umpisa sila ng 10:00 am ng Miyerkoles at natapos ng 4:00 am ng Huwebes o katumbas ng 18 oras na session.

Ani Andaya, minarapat ni House Speaker Gloria Macapagal Arroyo na ta­pu­sin ang lahat ng debate sa budget ng bawat ahen­siyang nakasalang sa araw-araw “regardless of  time,” ani Andaya.

Nag-umpisa ang de­bate sa budget pagkata­pos magtalumpati si  Compos­tella Valley Rep. Maria Carmen Zamora, senior vice chairperson ng House appropriations committee, patungkol sa budget.

(GERRY BALDO)

 

About Gerry Baldo

Check Also

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Department of Agriculture

Para sa seguridad sa pagkain
PH GOV’T DAPAT MAGPONDO SA MODERNISASYON NG AGRI

HINIMOK ni Senador Win Gatchalian ang gobyerno na mamuhunan sa modernisasyon ng agrikultura at pagpapaunlad …

marijuana

P.6-M tsongki nasamsam sa Bulacan

TINATAYANG aabot sa P602,400 halaga ng high-grade marijuana o tsongki at cannabis oil ang nasamsam …

Leave a Reply

Your email address will not be published. Required fields are marked *