Monday , August 15 2022
Laguna Water, Lubak na daan, Cabuyao Laguna

Sa lubak-lubak na iniwan ng Laguna Water
MAYOR MEL GECOLEA PARANG NASA ‘MOON’ ANG MGA TAGA-CABUYAO, HAPPY KA LANG?

BULABUGIN
ni Jerry Yap

SANDAMAKMAK na ang reklamo na ating natatanggap tungkol sa walang habas na paghuhukay ng mga kalsada riyan sa mga siyudad ng Cabuyao at Sta. Rosa, Laguna ng Laguna Water Co.

Ang Laguna Water na isang subsidiary ng Manila Water Co., ay nakabase sa Nuvali, Sta. Rosa ang nangangasiwa sa pagwarak ‘este’ pagsu-supply ng inuming tubig sa mga naturang lugar.

Ang siste, hindi raw maintindihan ng mga mamamayan ng Cabuyao at Sta. Rosa kung bakit naging ugali na ng Laguna Water ang kalkalin lahat ng kalsada na kanilang magustuhan at uumpisahan ang proyekto na hindi naman tinatapos nang tama sa oras?!

Kaya kapag nasa Cabuyao daw kayo, para na rin kayong nakarating sa buwan — dahil lubak-lubak at butas-butas ang kalsada.

Bawat barangay diyan sa siyudad ng Cabuyao ay may mga kalsadang inumpisahang hukayin ng kompanya ng Laguna Water, ganoon din sa ng national highway mula Cabuyao patungong Sta. Rosa na nagdudulot ng sobrang traffic sa lugar.

Wattafak!

Bakit ngayon lang nagkukumahog ang nasabing kompanya kung kailan malapit na ang Pasko at eleksiyon?

Tadtad ba ng solicitation sa inyo?

O baka naman para masabing may accomplishments ang mga politiko riyan para gawing “pogi points” sa darating na Mayo?!

Susmaryosep!

Anong ‘say’ mo rito, City of Cabuyao Mayor Mel Gecolea?

‘Di ba kaya ng ‘powers’ mo na pagsabihan ang mga taga-Laguna Water na tapusin nang mabilisan ang kanilang proyekto alang-alang sa mga constituents ninyo?!

Sobrang nababagabag na ang mga mamamayan ng Cabuyao sa teribleng traffic dulot ng mga hinukay ng Laguna Water sa mismong national highway pa man din ng Cabuyao.

Kapag naman tapos na ang kalkalang ginagawa nila ay saka iiwan ang patse-patseng kalsada na animo’y dumaraan ka sa pitak na inararo ng kalabaw sa bukid.

Sonabagan!

Sino sa tingin ninyo ang mag-aayos ng mga ‘yan?

Ang DPWH pa ba?!

Para may sariling ‘kita’ rin ganern?!

Sus ginoo!

Mayor MG, sapat na po ang legacy ninyong iiwan diyan sa City of Cabuyao. Ang alaala ng ‘kalabasang ayuda’ na ipinamudmod ninyo noong panahon ng ‘lockdown’ sa inyong siyudad ay sapat na para tumatak sa kanilang isipan.

Hintayin mo na lang ang ‘sigaw’ nila sa Mayo, Mayor!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

081522 Hataw Frontpage

Endo sa gobyerno wawakasan na
HB 521 PAG-ASA NG CONTRACTUAL EMPLOYEES

BINIGYANG pag-asa ni Kabayan partylist Rep. Ron Salo ang mahigit 660,000 contractual at job order …

e-Sabong

Jobless dumami sa suspensiyon ng e-Sabong

BUKOD sa pananalasa ngpandemyang dulot ng CoVid-19, naniniwala ang mga taga-industriya na malaki ang naging …

deped

28-M enrollees target ng DepEd bago ang Aug 22!

UMABOT na sa 17, 900,833 ang naitala na nagparehistrong mag-aaral Mula July 25 para sa …

lovers syota posas arrest

P43.5-M shabu, cocaine, damo, ecstasy drugs kompiskado sa magdyowa

UMABOT sa P43.5 milyong halaga ng cocaine, shabu, ecstasy at marijuana  ang nakompiska ng Quezon …

sk brgy election vote

Eleksiyon sa barangay at SK iliban – Hataman

DAHIL SA PANDEMYA, nagmungkahi si Basilan Rep. Mujiv Hataman na ipagpaliban muna ang eleksiyon sa …