Thursday , March 28 2024

P.2-M shabu nabisto sa dalawang tulak sa Vale

HOYO ang kinahinatnan ng dalawang tulak ng ilegal na droga matapos makuhaan ng mahigit P.2 milyon halaga ng shabu sa buy bust operation ng pulisya sa magkahiwalay na lugar sa Valenzuela City, kahapon ng madaling araw.

Sa ulat, dakong 2:40 am nang magsagawa ang mga operatiba ng Station Drug Enforcement Unit (SDEU) sa pangunguna ni P/Lt. Joel Madre­galejo, sa ilalim ng panganga­siwa ni P/Col. Ramchrisen Haveria, Jr., ng buy bust operation sa Silangan Park, Brgy. Marulas.

Isang undercover police ang nagawang makipagtransaksiyon kay Julius Policarpio, alyas Jojo, 41 anyos, ng P1,500 halaga ng droga at nang tanggapin ang marked money mula sa poseur-buyer kapalit ng isang plastic sachet ng shabu ay agad sinunggaban ng mga operatiba.

Nasamsam kay Policarpio ang halos 25 gramo ng hinihinalang shabu na may standard drug price na P170,000, buy bust money na isang tunay na P500 at 2 pirasong P500 boodle money, P300 cash, at cellphone.

Sa Brgy. Malinta, timbog din ng kabilang team ng SDEU si Roel Nablo, alyas Bagnoy, 44 anyos, sa buy-bust operation sa Matatag St., Area 3, Pinalagad dakong 1:00  am.

Ayon kay P/SMSgt. Fortunato Candido, nakompiska sa suspek ang tinatayang limang gramo ng hinihinalang shabu, may standard drug price na P34,000, P500 buy bust money, P500 cash, at cellphone.

Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.

 (ROMMEL SALES)

About Rommel Sales

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …