Monday , August 8 2022

Akyat-bahay gang member, nagbenta ng baril sa pulis

ARESTADO ang isang notoryus na miyembro ng akyat bahay gang mata­pos bentahan ng baril ang isang pulis sa isinagawang buy bust operation sa Caloocan City, kamakalawa ng hapon.

Kinilala ang naares­tong suspek na si Kevin Naga, alyas Kevin Fernan, 26 anyos, residente sa P. Zamora St., Brgy. 19 ng nasabing siyudad na nahaharap sa kasong paglabag sa Sec. 32 of RA 10591.

Sa report ni P/Cpl. Josefino Estacio II kay Northern Police District (NPD) Director PBGen. Jose Hidalgo Jr., naka­tanggap ang mga operatiba ng District Special Operation Unit (DSOU) ng impormasyon mula sa isang confidential informant na sangkot umano ang suspek sa pagbebenta ng baril.

Dakong 1:00 pm nang isagawa ng mga operatiba ng DSOU sa ilalim ng pangangasiwa ni P/Lt. Col. Jay Dimaandal ang buy bust operation sa P. Zamora St., na isang undercover police ang nagawang makipag­transaksiyon sa suspek ng P2,000 halaga ng baril.

Nang tanggapin ng suspek ang marked money mula sa police poseur-buyer ay agad siyang sinunggaban ng mga operatiba at narekober ang isang cal. 38 revolver na kargado ng dalawang bala at buy bust money.

Ang matagumpay na pagkakaaresto sa suspek ay sa pamamagitan ng matatag at matibay na pamumuno ni NPD Director Hidalgo.

(ROMMEL SALES)

About Rommel Sales

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …