Saturday , January 28 2023
2022 Elections, Senate

SENATORIAL SLATE NG BAWAT PARTIDO ‘NAMUMUTIKTIK’ NA POLITICAL BUTTERFLY

BULABUGIN
ni Jerry Yap

MUKHANG walang buong line-up ang bawat partido politikal na sasabak sa eleksiyon sa Mayo 2022, gayong 12 senador lang naman iboboto.

        Kaya hindi nakapagtataka kung mamutiktik ng ‘political butterflies’ ang bawat partido.

        Sa hanay ng administrasyon, ang Dela Rosa – Go tandem ay nakahanay sina Greco Belgica, Silvestre Belo, Jr., John Castriciones, Dakila Cua, Jinggoy Estrada, Rey Langit, Gringo Honasan, at Rodante Marcolete, at Mark Villar. Siyam na kandidatong senador lang ‘yan.

        Sa oposisyon, o sa Leni-Kiko tandem, nakahanay sina Risa Hontiveros, Leila De Lima, Sonny Trillanes, Sonny Matula, Chel Diokno, Teddy Baguilat, at Alex Lacson. Pito lang ‘yan pero pupunuan pa ng mga kandidato mula a ibang partido.

        Siyempre hindi pahuhuli ang Lason-Sotto tandem. Anila, 14 ang senador sa line-up nila. Nariyan sina Richard Gordon, Sherwin Gatchalian, Joel Villanueva, Migz Zubiri, Loren Legarda, Chiz Escudero, Minguita Padilla, at Monsour del Rosario. Hindi pa raw muna ilalabas ‘yung anim — surprise candidates daw iyon.

        Sa tiket ni Manny Pacquiao, ay naroon din si Juan Miguel Zubiri, Joel Villanueva, Richard Gordon, Chiz Escudero, Loren Legarda, Lutgardo Barbo, Raffy Tulfo, Neri Colmenares, at Elmer Labog. Siyam rin ‘yan, kapos ng tatlo para maging 12.

        Ang Partido Lakas ng Masa (PLM) ni Leodegario de Guzman ay naroon sina Chel Diokno, Risa Hontiveros, Neri Colmenares, Elmer Labog, Leila De Lima, Luke Espiritu, Rey Cabonegro, at David D’Angelo.. UY walo lang ‘yan.

        Sa Kampo nina Isko at Doc Willie, nariyan sina Samira Gutoc, Joseph Peter “Jopet” Sison, at Carl Balita.  Ayaw ni Yorme ng line-up na basta mapuno lang slate kaya masusi pa nilang pinag-aaralan ang iba pang isasama sa kanilang slate.

        Kung baga sa karera ng kabayo, nakuumay na itong labanang ito — kasi walang bagong kabayo. Sila-sila lang din. At kahit sila, para silang nababagot na rin sa kanilang kuwadra.

Kung puwede nga lang sigurong walang eleksiyon (mas gugustohin iyon ng mga kumakandidato ngayon). Walang tosgas, walang pagod, at hindi rin nauuga sa puwesto. Pero iba ang sinasabi ng konstitusyon kaya obligadong mag-eleksiyon. 

        Kung susumahin, 21 lang ang maglalaban-laban para sa 12 senador, kaya lalong mahigpit ang laban. Llamado na agad ang may name recall, habang dehado ang mga bago at medyo mahirap bigkasin ang pangalan. Alam n’yo naman ang mga Pinoy, mas maikli, mas madaling tandaan. 

        Abangan.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Electricity Brownout

Sistema ng NAPOCOR, Paurong – HATAMAN

Dahil sa paulit-ulit na brownout sa Basilan at sa iba pang maliliit na isla sa …

Sibuyas Onions

Kulang na cold storage, sanhi ng pagtaas ng presyo ng sibuyas

ITINURO ni Pangulong Ferdinand R. Marcos Jr. ang kakulangan ng mga pasilidad ng cold chain …

Koko Pimentel Bongbong Marcos

Pimentel kay FM Jr.:
MAGTALAGA NG REGULAR AGRICULTURE SECRETARY

NANINIWALA si Sen. Aquilino “Koko” Pimentel III na pinahihirapan lang ni Pangulong Ferdinand R. Marcos …

011623 Hataw Frontpage

Año bilang NSA chief,
MASAMANG PANGITAIN SA KALAYAANG SIBIL — COLMENARES

ni ROSE NOVENARIO NANAWAGAN si Bayan Muna chairperson Neri Colmenares kay Pangulong Ferdinand R. Marcos, …