Wednesday , May 29 2024

Regional Engineering Brigades isulong — solon

IMINUNGKAHI ng isang kongresista sa Isabela na magkaroon ng engineering brigades ng Armed Forces of the Philippines sa bawat rehiyon ng bansa upang agarang makaresponde ang gobyerno sa mga sakuna.

Ayon kay Isabela Rep. Rodito Albano ang mga engineer ng Armed Forces ang dapat ma­ngunang magres­ponde sa mga sakuna kagaya nitong nakaraang pa­nanalanta ng bagyong Rosita na nagdulot ng malaking pinsala sa Norte kasama ang Isa­bela.

Ayon kay Albano ang engineering brigades ay makatutulong din sa rehabilitasyon ng mga bayang apektado ng bag­yo at iba pang pin­sala.

Umapela si Albano sa AFP at sa Department of National Defence na ayusin ang mga kaga­mitan ng engineering bri­gades para makapag­res­ponde agad sa mga saku­na.

Matatandaan, ani Albano, ang relief goods ay kadalasang naaantala dahil hindi madaanan ang mga kalsada.

“There should be at least one military engi­neering brigade in every region that is fully equipped and ready for disaster response mis­sion,” ani Albano.

Sa ngayon aniya, lima lamang ang engineering brigade ng AFP na kai­langang dagdagan at i-modernize.

“The AFP moderni­zation program should include the procurement of new equipment for its engineering units. The military should be pre­pared not only for internal and external defense but for civil defense as well,” giit ni Albano.

Puwede, aniya, humi­ngi ng tulong ang AFP sa Estados Unidos, Japan, Australia at iba pang kaalyado para ayusin ang engineering brigade.

“Sa bawat bagyo na dumaan sa bansa  nag­kakaproblema tayo sa  distribution at delivery ng pagkain, gamot at tubig dahil hindi ma­daanan ang mga kal­sada,” ani Albano.

“Kung may engi­neer­ing brigade sa bawat rehiyon, maiiwasan ang ganitong problema,” dagdag ni Albano.

ni Gerry Baldo

About Gerry Baldo

Check Also

Online gambling target lusawin ng Manila solons

Online gambling target lusawin ng Manila solons

DESIDIDO ang dalawang konggresista ng Maynila na lusawin ang ang namamayagpag na sugal sa online …

Online Gambling Gambling lalansagin ng 2 Konggresista ng Maynila

Online Gambling Gambling lalansagin ng 2 Konggresista ng Maynila 

PURSIGIDO ang dalawang magiting na konggresista ng Maynila na lansagin ang mga namamayagpag na sugal na …

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …

Sa Bulacan 3 TULAK, 1 PUGANTE NASAKOTE NG PNP

Sa Bulacan  
3 TULAK, 1 PUGANTE NASAKOTE NG PNP

Arestado ng Bulacan PNP ang tatlong nangangalakal ng droga at isang pugante sa isinagawang anti-crime …

Quezon Provincial Police Office Lucena

8 intel officer arestado sa palpak na drug raid

CAMP VICENTE LIM, LAGUNA — Walong intelligence officer ang inaresto ng kanilang mga kasamahan sa …

Leave a Reply

Your email address will not be published. Required fields are marked *