Thursday , October 28 2021

Piñol pakainin ng bigas na may bukbok

PAKAKAININ ni House Minority Leader Danilo Suarez si Agriculture Secretary Manny Piñol ng bigas na may bukbok araw-araw para maram­daman niya ang mga sinabi niya na pwede pang kainin ang ganoong klaseng bigas.

Ayon kay Suarez, “conduct unbecoming of a cabinet official” ang sinabi ni Piñol.

“That [statements made by Piñol] is a conduct unbecoming of a Cabinet official. Kakain siya ng bukbok? E paka­inin ko kaya siya ng buk­bok araw-araw, tignan natin, anong maram­da­man niya,” ani Suarez kahapon sa isang news conference.

Sa panig ni Rep. Lito Atienza ng Buhay party-list, sinabi niyang walang ginagawa ang depar­tamento ni Piñol sa kaku­langan sa bigas habang ang National Food Au­tho­rity (NFA) at ang NFA Council ay nagtuturuan kung sino ang may kasa­lanan sa pagka-delay ng rice importations.

Hindi, ani Atienza, tayo puwedeng umasa sa mga opisyal ng NFA at NFA Council.

“Dapat nag-resign na sila at bigyan ng pagka­kataon ang iba na ayusin ang problema sa bigas,” ani Atienza.

Aniya, dapat nang pag-isipan ni Pangulong Rodrigo Duterte isang “drastic solution” sa problema.

Sa ngayon si Rep. Alfredo Garbin ng Ako Bicol party-list, na dapat mag-resign na sila Piñol, NFA administrator Jason Aquino at ang NFA Council head sa kabiguan na bigyang solusyon ang kakulangan sa bigas na nagresulta sa pagtaas ng presyo nito.

Ginawa ang pana­wagan, matapos sabi­hin­ ni Piñol na ang im­ben­taryo ng bigas ay na­sa 1,320,927 metric tons lamang at tatagal nang 40 araw imbes 90 araw alinsunod sa batas.

Ayon kay Piñol, pa­yag siyang kumain ng bigas na may bukbok na inangkat mula sa Thai­land pagkatapos itong i-fumigate.

ni Gerry Baldo

About Gerry Baldo

Check Also

dead gun police

Itinumba ng riding-in-tandem
HELPER, DEDBOL SA HARAP NG LIVE-IN

TODAS ang isang helper matapos pagbabarilin sa harap mismo ng kanyang live-in partner ng isa …

Driver natagpuang patay sa Malabon

PALAISIPAN pa rin sa pulisya ang pagkamatay ng 54-anyos lalaki na natagpuang wala nang buhay …

Walang suot na face mask
2 KALABOSO SA P.4-M SHABU SA KANKALOO

IPINAHAMAK ang dalawang tulak dahil sa katigasan ng ulong ayaw magsuot ng face mask nang …

Kahit inilaglag si Colmenares sa senatorial slate
KOOPERASYON NG MAKABAYAN SA LENI-KIKO CAMPAIGN TULOY

IPAGPAPATULOY ng Makabayan coalition ang kooperasyon sa kampanya ng tambalan nina Vice President Leni Robredo …

102721 Hataw Frontpage

Isko sa IATF:
ASUNTO VS DENR EXECS SA DOLOMITE BEACH ‘SUPERSPREADER’ EVENT

ni ROSE NOVENARIO NANAWAGAN si Manila Mayor Francisco “Isko” Moreno” Domogoso sa Inter-Agency Task Force …

Leave a Reply