Thursday , April 18 2024
Sara Duterte President

Presidente target ni Sara — Salceda

SA GITNA ng malawak na haka-haka kung tatakbo si Davao Mayor Sara Duterte-Carpio sa pambansang posisyon, sinabi ni Albay Rep. Joey Salceda, walang ibang susungkitin ang anak ni Pangulong Rodrigo Duterte kundi ang pagkapresidente.

Sa panayam sa telebisyon, sinabi ni Salceda na walang option si Sara kung hindi ang pagtakbo bilang presidente.

Sinabi ni Salceda, madalas silang mag-usap ni Sara pero hindi napag-uusapan kung ano ang tatakbuhan niya.

“May presumption kami na she is running for president,” ani Salceda.

“There is no VP (vice president) option for her, “ dagdag pa niya.

Ang kumakalat na tsismis na, umano’y magiging Bise si Sara ni dating Senador Bong Bong Marcos ay espekulasyon lamang.

“Definitely that’s all speculation, because she’s running for president,” ayon kay Salceda.

“All these political gyrations shows that she’s running for president,” aniya.

Paliwanag ni Salceda na halos araw-araw silang nag-uusap ni Sara at hindi pa niya nakita na tatakbo ito sa bilang bise presidente.

Anang kongresista ng Albay, maglalabas ng anunsiyo si Sara sa darating na Lunes.

Ipinaliwanag din ni Salceda na ang pagtakbo ni Sara sa pagka-presidente ay matagal nang pinag-isipan at nagkaroon lamang ng “stumbling blocks.”

Aniya, nagsumite na sana si Sara ng certificate of candidacy (COC) sa pagka-presidente noong Mayo kung walang mga balakid partikular sa political parties. (GERRY BALDO)

About Gerry Baldo

Check Also

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Department of Agriculture

Para sa seguridad sa pagkain
PH GOV’T DAPAT MAGPONDO SA MODERNISASYON NG AGRI

HINIMOK ni Senador Win Gatchalian ang gobyerno na mamuhunan sa modernisasyon ng agrikultura at pagpapaunlad …

marijuana

P.6-M tsongki nasamsam sa Bulacan

TINATAYANG aabot sa P602,400 halaga ng high-grade marijuana o tsongki at cannabis oil ang nasamsam …