Friday , July 19 2024
Benguet Landslide flood

Kongresista nanawagan ng tulong ‘NAWAWASAK’ NA BENGUET INILANTAD NG BAGYONG EGAY  

072723 Hataw Frontpage

ni Gerry Baldo

NANAWAGAN si Benguet Rep. Eric Yap sa pamahalaang Marcos na tulungan ang probinsiya ng Benguet at mga karatig lalawigan dahil sa grabeng pinsalang naramdaman sa pagdating ng bagyong Egay.

Ayon kay Yap, kailangan ang agarang tulong dahil sa malawakang pinsala sa buong lalawigan ng Benguet na inilantad ng bagyong Egay.

“Unofficial reports of casualties and missing individuals and millions of pesos worth of damaged properties — ito ang lagay ngayon sa Benguet. We are still verifying the extent of the damage, but we have unofficial reports from the ground that there are casualties and missing individuals. We are actively coordinating with our LGUs to record the families affected so we could extend assistance and to document the roads in need of rehabilitation so we could implement necessary measures,” ulat ni  Yap.

         “We call to our national government for assistance, the Benguet Province is in dire need of help. In fact, marami pa rin sa ating kakailyan ang hindi nakababangon mula sa mga nagdaang unos, dagdag na naman ito. We need forces for intensified operations for disaster rescue and relief. Many of our significant passageways in the province remain impassable as of the moment, obstructing emergency response and impeding the livelihood of hundreds of families in our province. Salamat sa ating LGUs at mga residente na sama-samang umaaksiyon sa clearing ops,” aniya.

“Matinding pagbaha sa iba’t ibang lugar, kabi-kabilang landslides, pagkasira ng mga daan at kabuhayan — kada bagyo, ganito na ang nararanasan natin sa Benguet. Hindi na bago ito, habang tumatagal ay mas lumalala pa nga. Parehong mahalaga ang pagkakaroon ng short-term na immediate relief sa ating mga kakailyan na apektado at long-term na infrastructure and systemic development. It is imperative that we execute extensive measures (1) for preparation, prevention and mitigation before, (2) for quick emergency response during, and (3) for recovery and reconstruction after the typhoon or any other disaster,” ayon kay Yap.

         Bukod sa panawagan ni Yap, dumaraing ang maraming kakailyan,dahil napapansin lamang ang pinsala sa kapaligiran ng Benguet tuwing may dumarating na Baguio.

Ayon sa  isang strawberry farmer, “ang mga minahan sa Benguet ay mula sa malalaking kompanya hanggang sa maliliit na minerong walang ibang hanapbuhay  kundi ang magmina — at ang industriyang ito kung hindi regular na nababantayan ay pangunahing sumisira sa lalawigan ng Benguet.”

Ilang turista rin ang nagsasabing habang tumatagal ay hindi na proportion ang urban planning sa Summer Capital of the Philippines gaya ng pagdami ng mga estruktura, pagdami ng sasakyan, at hindi maayos na trapiko tuwing weekend o sa mga araw na maraming turista ang dumarayo.

Binigyan diin ng ilang turista, panahon na para ayusin ang Benguet lalo ang Baguio City dahil kung hindi tuluyan itong lalamunin ng mga gumuguhong bundok sa kapaligiran.

About Gerry Baldo

Check Also

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

CPP PNP NPA

Miyembro ng CPP-NPA boluntaryong sumuko sa Bulacan police

ISANG miyembro ng Communist Party of the Philippines-New People’s Army (CPP-NPA) ang boluntaryong sumuko sa …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …

071824 Hataw Frontpage

Sa Bamban, Tarlac at Porac, Pampanga
POGO ‘TORTURE DEN’ VIDEO FOOTAGES INILABAS SA PAGDINIG NG KAMARA

HABANG mainit ang galit ng mga mamamayan sa mga natuklasang ilegal na Philippine Offshore Gaming …