Friday , February 3 2023
Farmer bukid Agri

Panukalang batas para sa 2nd phase ng CARP, inihain sa Kongreso

NAGHAIN ng isang panukalang batas si Bataan 1st district Rep. Geraldine Roman na layong makompleto ang Comprehensive Agrarian Reform Program (CARP), at magkaroon ng second phase na magbibigay ng subsidiya sa pagkuha at pamamahagi ng mga lupang sakahan sa mga benepisaryo nito.

Sa House Bill 223, sinabi ni Roman, habang malinaw sa Saligang Batas ang mandato sa repormang agraryo, hindi maliwanag ang aksiyon dito ng gobyerno.

“Sa tagal ng panahon, hindi nangangahulugang katapusan na ng agrarian reform program. Ang hamon ng panahon ay matiyak na maipagpatuloy ito dahil isa itong mahalagang parte ng national development at social justice program,” ani Roman.

Sa ilalim ng House Bill 223, kapag nakompleto na ng agrarian reform beneficiaries ang kabayaran sa loob ng 30 taon amortization schedule at interest charges, sila ay pagkakalooban ng gobyerno ng paunang puhunan makaraang bigyan ng Certificate of Land Ownership Award (CLOA), dadag sa credit facilities at awtomatikong kalipikasyon sa iba’t ibang serbisyo kabilang ang pabahay, edukasyon at pautang.

“Agriculture continues to be one of the weakest links in our country. A higher incidence of poverty is prevalent in the farming sector particularly among the landless farmers and the farm workers. Much has been said and done about the agrarian reform program in the Philippines. Much is still to be said. Much is still to be done,” dagdag ni Roman.

Pantay na pagkakataon ang isinusulong ni Roman para sa lahat ng Filipino. Para sa kanya, ang pagkapantay-pantay ay pagtrato sa mga indibidwal nang walang hadlang, maling pananaw, kagustohan, maliban kung ito’y may pagkakaiba at malinaw na makatwiran. (GERRY BALDO)

About Gerry Baldo

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …