Friday , March 29 2024
NTF-ELCAC

Pondo ng NTF-ELCAC ilipat sa serbisyo publiko — Makabayan

NANAWAGAN ang grupo ng Makabayan sa Mababang Kapulungan ng Kongreso na tapyasan ang P10 milyong pondo ng National Task Force to End Local Armed Conflict (NTF-ELCAC) at ilaan ito sa ibang kapakipakinabang na serbisyo para sa bayan.

Ayon kay Gabriela party-list Rep Arlene Brosas, isang malaking kasalanan sa taong bayan ang bantang pag-restore ng budget ng NTF-ELCAC.

“Sa rami ng kaso ng red-tagging at vilification laban sa community leaders at organizers, napatunayan na walang magandang dulot ito sa bansa kundi ilagay sa panganib ang buhay ng mga progresibong indibidwal,” ani Brosas.

“Naitulak na nating tapyasan ang pondo ng NTF-ELCAC sa Kongreso, bakit ibabalik pa patungong P10 billion ang Barangay Development Program?” tanong ng kongresista.

Giit ni Brosas, hindi masasagot ng NTF-ELCAC ang issue ng kahirapan bagkus ay nakikihati pa ito sa pondo na dapat sana’t direktang ibinibigay sa mamamayan.

“Imbes ibalik ang budget para rito, dapat tuluyan nang tanggalan ng pondo ang NTF-ELCAC at ilaan ito para sa mga serbisyong mas kapakipakinabang,” aniya.

Kaugnay nito nanawagan din si Brosas sa mga kasamahan niya sa Kongreso na pagtuunan ng pansin ang mga panukalang may kinalaman sa sahod ng magagawa.

Kahapon, naglunsad ng malawakang pagkilos ang iba’t ibang grupo at organisasyon bitbit ang panawagan para sa pagpapataas ng sahod at pagpapababa ng bilihin. Sa laki ng inabot ng pagkilos na ito, nakita natin na libo-libo ang nakiisa sa panawagang ito.

“Ramdam natin ang epekto ng krisis lalo’t sa matagal na panahon, napag-iiwanan ang usapin ng sahod habang halos buwan-buwan, linggo-linggo ay tumataas ang presyo ng bilihin,” ayon sa mambabatas.

“It should be a wake up call for the Marcos Jr., administration and Congress. Isama dapat ang wage bills sa priority measures na ipapasa bago matapos ang taon,” ani Brosas.

Naghain ang Makabayan bloc ng House Bill 4898 na naglalayong magtalaga ng national minimum wage na sapat sa “living wage” at buwagin na ang “regional wage boards.”

“This will enable the setting of a living wage, which ee urge Congress to prioritize this bill,” anang progresibong mambabatas. (GERRY BALDO)

About Gerry Baldo

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …