Monday , April 15 2024
congress kamara

 “Caregivers Welfare Act” pasado sa Kamara

SA BOTONG 271, inaprobahan ng Kongreso sa ikatlo at huling pagbasa ang House Bill 227 o ang Caregivers Welfare Act na akda ni Bataan 1st District Representative Geraldine B. Roman.

Ikinagalak ni Roman ang agarang pag-aproba sa panukalang para sa proteksiyon at kapakanan ng caregivers sa pagtupad sa kanilang tungkulin. Kinikilala rin niya ang mahalagang papel na ginagampanan ng caregivers sa pag-unlad ng bansa.

“I thank my fellow legislators for the swift passage of this measure and ensuring the strong accountability and implementation efforts to turn the strategy into action,” ayon kay Roman, chairperson ng House Committee on Women and Gender equality.

Layunin ng panukala na “magtatag ng mga polisiya sa pagsasanay sa kanilang propesyon bilang mga caregivers at mapaunlad ang kanilang kakayahan at mapahusay sa pandaigdigang kompetisyon.”

Ang pagdami ng populasyon ng bansa at ng mga isinisilang na mayroong kapansanan at sakit ay mga dahilan sa patuloy na pangangailangan ng serbisyo ng ating mga caregiver, dagdag ni Roman.

“Policies must be enacted to protect the welfare and well-being of caregivers, as well as to maintain excellent and globally competitive standards for the caregiver professional service,” sabi ni Roman.

Binanggit ng mambabatas mula sa Bataan ang mga bansa tulad ng United States, Canada, Middle East at Europe at kahit na Asian countries gaya ng Japan at Korea na mas gusto ang mga Filipino caregivers dahil sa kanilang dedikasyong alagaan ang kanilang kliyente.

Pantay na pagkakataon ang isinusulong ni Roman para sa lahat ng Filipino.

Para sa kanya, ang pagkapantay-pantay ay ang pagtrato nang parehas sa mga indibidwal na walang hadlang, maling pananaw, kagustuhan, maliban na lamang kung ang pagkakaiba ay malinaw na makatwiran.

Matatag na naninindigan at bukas ang mambabatas sa pagsulong ng pagkakataon para sa lahat ng Filipino na walang kinikilingan sa kayamanan, katayuan o pagiging miyembro ng isang maimpluwensiyang grupo. (GERRY BALDO)

About Gerry Baldo

Check Also

Rochelle Pangilinan

Rochelle inamin nakaramdam ng insecurity nang palitan sila ng EB Babes

MA at PAni Rommel Placente SA interview ni Rochelle Pangilinan sa Toni Talks ni Toni Gonzaga, inamin niyang nasaktan sila …

Isko Moreno

Yorme Isko tiniyak ‘di na tatakbo sa halalan 2025

I-FLEXni Jun Nardo SARADO na ngang talaga ang pinto ng politika kay Isko Moreno Domagoso kahit nasa …

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …