Sunday , September 25 2022
Money Bagman

May pandemya o wala, ayuda kailangang ibigay – solon

SA GITNA ng patuloy na pagtaas ng presyo ng mga bilihin sa bansa, sinabi ni Marikina Rep. Stella Luz Quimbo na kinakailangang magbigay ng ayuda ang Department of Social Welfare and Development (DSWD) may pandemya man o wala.

Si Quimbo, senior vice chairperson, ay nanawagang ituloy ang mga ayuda ng gobyerno para sa mga nangangailangan kasabay ang pagtaas ng pondo ng Kagawaran ng Agrikultura.

“Kaya importante ang DSWD assistance programs, we have to make sure na ang ating mga kababayan na nangangailangan, nandiyan ang sufficiently funded na iba’t ibang assistance programs. With or without the pandemic, dapat may assistance programs talaga,” ani Quimbo.

Ayon kay Quimbo, ang digmaan ng Russia at Ukraine ang sanhi ng pagtaas ng interest rate sa Estados Unidos na nagresulta sa mataas na inplasyon sa bansa.

“Kung titingnan natin, ang source kasi ng inflation rate is really beyond our control. Una riyan of course ang nangyayaring digmaan sa Russia at Ukraine na nagpapataas ng presyo ng langis, number two iyong pagtaas ng interest rate ng US. Sabi nga nila, kapag humahatsing ang US, iyong maliliit na katulad natin sinisipon, so ganoon e,” paliwanag ni Quimbo.

Ayon kay Quimbo, ang pagtaas ng pondo ng Kagawaran ng Agrikultura sa halos 40 porsiyento sa susunod na taon at ang subsidyo na ipinamamahagi ng DSWD para sa mahihirap ay makatutulong na maibsan ang dagok ng mataas na inplasyon.

Aniya, importante na tumaas ang pondo ng agrikultura.

“Kaya importanteng tumaas ang budget ng DA. As we know, iyong inflation rate kasi weighted average iyan ng inflation rate ng iba’t ibang commodities. As we know, iyong commodity na mayroong pinakamalaking weight is of course food, one way to reduce food inflation rate is to ensure na mayroon tayong adequate supply,” anang kongresista ng Marikina.

“So ibig sabihin, kailangan nating palawakin ang suplay ng agricultural crops natin. Nandiyan ang bigas, corn, of course nandiyan ang karne, ang fish at meat,” aniya.

Nasa tamang direksiyon ang pagtaas ng pondo ng agrikultura.

“So tama naman po ang direksiyon ng ating gobyerno na bigyan ng sapat na atensiyon at sapat na increased ang budget ng Department of Agriculture,” aniya.

“Kapag dumarami kasi iyong suplay natin, ang ibig sabihin puwede nating mapababa ang presyo ng pagkain,” giit niya.

Nakakuha ng P46.5 bilyon o 39.62 porsiyentong pagtaas ang Kagawaran ng Agrikultura mula sa kasalukuyang P117.29 bilyon hangang P163.75 bilyon para sa 2023. (GERRY BALDO)

About Gerry Baldo

Check Also

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …

Bong Revilla Jr

Sen Bong mamimigay ng kotse, motorsiklo, laptop, at cash sa kanyang kaarawan

SHOWBIZ KONEKni Maricris Valdez Nicasio TIYAK na marami ang matutuwa sa espesyal na regalo ni Sen …

Nueva Ecija PPO, PNP PRO3, Prison

No. 1  most wanted rapist ng Nueva Ecija, nasakote

ARESTADO sa inilatag na Manhunt Charlie Operation ng mga awtoridad ang nakatalang Rank no. 1 …

Masungi Georeserve

Peace and order sa Masungi Georeserve, ibabalik — Gen. Nartatez

TINIYAK ni Police Regional Office 4A Regional Director, P/BGen. Jose Melencion Nartatez, Jr., na agad …