Saturday , May 28 2022
Sara Duterte

Mayor Sara nag-alala
KAKULANGAN SA SISTEMANG PANGKALUSUGAN IKINABAHALA

IKINALUNGKOT ni Davao Mayor Inday Sara Duterte ang kakulangan sa sistema ng pambansang pangkalusugan.

Ayon kay Inday, masyadong mabagal ang pagpapatupad ng Universal Health Care Law habang naghihirap ang healthcare workers.

Sa isang “meet and greet” sa health care workers kahapon sa Kapitolyo ng Batangas, sinabi ni Inday Sara, kailangan ipagpasalamat ng local government units (LGUs) sa healthcare workers ang kasalukuyang kalagayan ng sistemang pangkalusugan.

“And when it comes to issues and challenges of our health care system, ang laki rin ng dapat gawin pa ng government. Unang-una ang Universal Health Care Act. It is already a law but ang bagal ng implementation no’ng batas,” ayon kay Inday Sara.

“Ang daming reforms, supposedly dapat andoon na but hindi pa, it’s either mabagal or hindi pa nasisimulan,” aniya.

Paliwanag ni Inday Sara, tumatakbo sa pagka-bise presidente, pati sa Davao City, kung saan siya ay mayor, hirap naipatupad ang UHC.

“In our city, the local government unit of Davao City, hirap kami how to operationalize the UHC and hindi namin alam kung saan kami magsisimula. We are trying our best na ma-implement ‘yung Universal Health Care Act,” pahayag ni Inday.

Ani Inday, pers lab niya ang maging doktor at ikinalungkot na hindi siya kasama ng medical frontliners noong kasagsagan ng pandemyang CoVid-19.

Aniya, napakaganda ng batas and it is a very big challenge for the local government units, paano ibaba ‘yung mga puwedeng gawin at puwedeng makatulong sa ating mga kababayan na nasa ating Universal Health Care Act.

“So in Davao City, sinisimulan na namin ang discussions with the Department of Health (DOH) and the local government unit and our local government hospitals. And hopefully in the next two to three years, we will be able to see the operationalization ng Universal Health Care Act in Davao City and of course for the rest of the LGUs in our country,” aniya.

Ikinungkot ni Inday Sara ang sahod sa health care sector at mga benepisyo dito.

“Number one ‘yung compensation, pangalawa, the benefits and the other pay para sa ating healthcare workers should be competitive sa suweldo roon sa abroad or sa overseas so that we, our health care workers decide to stay with their families and for our country, instead of working abroad, away from their families because of the higher pay and benefits that they get from other offers overseas,” aniya.

Kaugnay nito, sinabi ni Batangas Gov. Hermilando Mandanas, buo ang suporta niya sa UniTeam nina Inday Sara at dating Senador Ferdinand Marcos, Jr.

“Halos sa buong Filipinas ay nauunawaan, ang BBM-Sara team, ang tunay na makapaglilingkod sa ating mga kababayan at sila ang mag-ayos talaga ng ating pamahalaan na matutukan ang mga pangangailangan ngayon,” ani Mandanas sa panayam sa eporters.

“Sila ang nakikita ko na mayrong kakayahan at pinakaahalaga ay mayroong pananaw sa panahong ito na kaalangan talaga tayong magsama-sama, magtulungan, hindi ‘yung katigasan, ano, at laging hilahan pababa at kailangan itaas natin ang dangal at talagang kilalanin ang kakayahan ng mga Filipino, at dito kailangan natin ang mga namumuno na yaon ang pananaw ha, sama-sama tulong tulong,” aniya. (GERRY BALDO)

About Gerry Baldo

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …