Saturday , October 1 2022

Sobrang ganid sa ‘pork’ — solon (Cayetano kaya bumagsak)

ni Gerry Baldo

SOBRANG pagkaganid sa pork barrel kaya nasira, ang liderato ni dating House Speaker Alan Peter Cayetano.

Ito ang sinabi ni Cebu City 2nd District Rep. Rodrigo Abellanosa sa kanyang interpelasyon sa deliberasyon sa P667.32 bilyong pondo ng Department of Public Works and Highways (DPWH) na pinamumunuan ni Secretary Mark Villar.

Ayon kay Abellanosa, dapat pantay ang pagtingin sa lahat ng mga distrito sa bansa.

“Let’s not also forget, that because of the budget of DPWH that caused the downfall of the former of Speaker,” ani Abellanosa.

Busog na busog aniya ang mga “close associates” ni Cayetano sa pondo habang pinagdamutan ang ibang distrito na hindi nila kaalyado.

Isang malinaw na kaso ng pang-aapi ang pondong inilaan sa dalawang distrito ng Cebu City na halos P500 milyon lamang ang ibinigay ng DPWH habang ang distrito ng kaalyado ni Cayetano na si Camarines Sur Rep. LRay Villafuerte ay mayroong P11.8 bilyong pondo.

Bukod sa P11. 8 bilyon ng Camarines Sur ay mayroon din P8 bilyon si Cayetano para sa kanyang distrito sa Taguig-Pateros.

Idinaing ni Abellanosa na kasing laki lamang ng pondo ng dalawang distrito sa Cebu City sa P500 milyon na ibinigay ng DPWH kay Villafuerte para ipampatayo ng kanilang kapitolyo at sports complex.

Bukod aniya sa P500 milyon na pampatayo ng kapitolyo ng Camarines Sur ay mayroon pang P250 milyon ang ibinigay ng DPWH kay Villafuerte para sa pagpapatayo naman ng sports complex.

“Para bagang ang katapat lang ng budget ng Cebu City ay capitol building at sports complex lang ng CamSur,” ani Abellanosa.

Anang kongresista ng Cebu, kailangang maging patas si Villar sa distribusyon ng government projects.

“If the unfair allocation of DPWH budget has cause the downfall of the former speaker Alan Peter Cayetano, for all we know, it might became also the cause of political downfall, hope it won’t, of our dear, very good friend Secretary Mark Villar,” ani Abellanosa. (GERRY BALDO)

About Gerry Baldo

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Leave a Reply