Sunday , February 25 2024

Diskuwento sa remittance fees aprobado sa Kamara

INAPROBAHAN na ng House Committee on Ways and Means ang panukalang magbibigay ng 50% diskuwento sa remittance fees ng overseas Filipino workers (OFWs).

 

Sa pagdinig kahapon sa pamamagitan ng teleconferencing ng House committee on ways and means na pinamumunuan ni Albay Rep. Joey Salceda, inaprobahan ang House Bill 826 na iniakda ni Pampanga Rep. Aurelio “Dong” Gonzales.

 

Nakasaad sa panukala ni Gonzales, ang pagbabawas ng 50% sa kasalukuyang sinisingil ng mga banko at iba pang financial institution na tumatangkilik sa remittances ng OFWs at iba pang Filipino na magpapadala ng US$500 pataas.

 

Sa naturang panukala, babawasin din ang bayad sa mga padala na mas mababa sa US$500 ng 10% hanggang 40%.

 

Napag-alaman sa pagdinig, umaabot sa US$3.2 bilyon o P166.4 bilyon ang kinikita ng remittance centers sa mga OFW taon-taon lalo noong 2019 dahil sa mataas na singil ng remittances fees sa OFWs.

 

Sinabi ni dating Congressman Aniceto Bertiz III ng ACT OFW party-list, umaabot sa 6% hanggang 7% ang sinisingil ng mga non-bank remittance centers sa mga OFW.

 

“If we can get banks to slash their remittance prices by one-half, this would mean an extra $1.6 billion (P83.2 billion) flowing into low and middle-income Filipino households and into the economy,”  ani Bertiz.

 

Inamyenda ito ng komite at nagpasya ang mga miyembro na gawing 50% ang diskuwento sa lahat ng remittance fees.

 

Ipinagbabawal din sa panukala ang biglang pagtaas sa singil ng remittance sa lahat ng financial at non-bank intermediaries lalo na kung hindi dumaan sa konsultasyon ng Department of Finance (DOF), Bangko Sentral ng Pilipinas (BSP), at Philippine Overseas Employment Administration (POEA).

 

Kapalit nito ang pagbawas sa buwis ng mga banko at non-bank financial institution. (GERRY BALDO)

About Gerry Baldo

Check Also

Vape Smoke

Vape company ipinasasara ng Kamara

NANAWAGAN ang Kamara de Representantes sa Securities and Exchange Commission (SEC),  sa Department of Trade …

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Leave a Reply

Your email address will not be published. Required fields are marked *