Wednesday , December 1 2021

Mga guro bigyan ng laptop — solon

SA PANAHON ng pandemyang COVID-19, maraming kompanya ang nagpatupad ng patakarang work-from-home (WFH) kaya minarapat ng pamahalaan na sa bahay na lamang din umano ang mga estudyante.

Iginiit ni Bagong Henerasyon Rep. Bernadette Herrera sa Malacañang na bigyan ang mga guro ng laptop upang masigurado na makapagturo sa pamamagitan ng internet.

Ani Herrera, maaaring isama sa darating na pambansang budget para sa susunod na taon ang alokasyon para sa Department of Education (DepEd) upang makabili ng 880,000 laptops para sa mga guro sa pampublikong paaralan.

“We hope that a budget for the purchase of laptops for all teachers in public schools will be included in the 2021 National Expenditure Program to be submitted by Malacañang to Congress in July or August,” ani Herrera.

Aniya napakaimportante ang laptop sa mga guro sa online teaching ngayong panahon ng pandemya dulot ng COVID-19.

“We have to make sure that our teachers are equipped with at least the most basic technology tool for online teaching, which is a laptop,” ayon sa kongresista.

Naunang sinabi ng DepEd na kailangan ng P27 bilyon upang makabili ng mga laptop para sa mga guro.

“By having a laptop, teachers can enhance the curriculum, providing students with extensive research opportunities, access to up-to-date information and many other learning benefits,” aniya.

Ayon sa DepEd, 190,574 laptops ang kaya nitong bilihin para sa 22 porsiyento ng lahat ng guro ng ahensiya.

Ang natitirang 78 porsiyento o 680,000 guro ay dapat makasama sa budget na isusumite ng Malacañang sa Kongreso.

Sa Article VII, Section 22 ng 1987 Constitution, ang Presidente ay may mandatong magsumite sa Kongreso ng  “budget of expenditures and sources of financing, including receipts from existing and proposed revenue measures,” sa loob ng 30 araw mula sa pagbubukas ng sesyon ng Kongreso.

Ang pangalawang regular na sesyon sa ika-18 Kongreso ay magbubukas sa Hulyo 27.

(GERRY BALDO)

 

About Gerry Baldo

Check Also

Hataw Frontpage Bong Go umatras sa 2022 prexy race

Bong Go umatras sa 2022 prexy race

ni ROSE NOVENARIO             TINULDUKAN ni Sen. Christopher “Bong” Go ang kanyang ambisyong maluklok bilang susunod …

Sa Bulacan
MOTORNAPPER, 4 PUGANTE TIMBOG SA POLICE OPS

INARESTO ng mga awtoridad ang isang kawatan ng motorsiklo at apat na pugante sa magkakahiwalay …

Daniel Fernando Covid-19 Vaccine Bulacan

100K Bulakenyo target bakunahan
3-ARAW NATIONAL COVID-19 VACCINATION DAY SINIMULAN

SINIMULAN ng lalawigan ng Bulacan ang pagbabakuna sa mga Bulakenyo sa lahat ng sektor sa …

3 tulak tiklo sa droga (Sa Pasig) Edwin Moreno

Sa Pasig
3 TULAK TIKLO SA DROGA

NASAKOTE ng mga awtoridad ang tatlong hinihinalang tulak ng ilegal na droga sa ikinasang buy …

Mary Mitzi Mitch Cajayon-Uy

Cajayon-Uy:
OMBUDSMAN, KAILANGANG REPORMAHIN

KASUNOD ng pagpapawalang-sala sa kanya ng Sandiganbayan sa mga kasong graft at malversation noong 12 …

Leave a Reply