Monday , July 4 2022

Vote buying sa Marawi tutukan ni Duterte (Panawagan ng retiradong AFP, PNP, civic group)

 

NANAWAGAN ang mga retiradong sundalo, pulis at mga sibilyan kay Pangulong Duterte na aktohan ang malawakang bilihan ng boto sa Lanao del Sur partikular sa Marawi City.

Ang apela ay supor­tado ng 675 botanteng guma­­wa ng mga affi­davit na nagpa­patunay sa nangyayaring katiwa­lian.

Ayon kay Atty. Salic Dumarpa, ang kuma­katawan sa mga sibilyang botante, hiningi rin nila sa Commission on Elections (Comelec) na isailalim ang Lanao del Sur at Marawi sa kontrol ng komisyon.

Sa sulat na tinangap ng Presidential Com­plaints Center (PCC) sa Malacañang noong 30 Abril 2019, sinabi ng mga retiradong pulis, sundalo at ni Dumarpa na ang malawakang bilihan ng boto ay ginagawa ng ilang kandidato para gober­nador, mayor, kongre­sista, at bise mayor sangkot ang mga kapitan ng barangay bilang taga­pagbigay ng sample ballot na may kalakip na P6,000.

Ayon kay Dumarpa, ang 675 sinumpaang salaysay ay galing sa siyam na bayan ng Lanao del Sur kasama ang 122 mula sa Wao, 232 mula Pualas, 100 mula sa Piagapo, 88 mula sa Pagayawan, 55 mula sa Calanogas. 44 sa Lum­baca Unayan, 31 sa Sa­guia­ran, isa sa Maguing at dalawa sa Poo na Baya­bao.

Sinabi nila kay Duter­te, ang mga kontri­busyon ay mula kina Mamintal Adiong Jr., na tumatakbo bilang gobernador (P500 kada botante), bise gober­nador Mujam Adiong (P500), Ansarrodin Adiong na tumatakbong kongresista (P1,000), Majul Gandamra na tumatakbong mayor ng Marawi (P3,000) at Anoar Rumoros, para bise alkalde (P1,000.)

Para patunayan ang kanilang alegasyon, inilakip nila Dumarpa ang retrato ng mga sampol ballot kung saan naka-stapeler ang P6,000.

Sa Wao, ang mga botante ay binigyan ng “claim cards” na may picture ng mga kandi­dato.

Ang mga “claim card,” ayon kay Dumar­pa ay gagamitin sa pagkuha ng pera na kadalasan hawak ng mga kapitan ng barangay.

“The foregoing facts and circumstances have explicitly demonstrated that there are sufficient grounds for the de­claration of failure of elections in the entire province,” ayon sa sulat ng mga retiradong pulis at sundalo kay Duterte.

“Your fears that dirty politicians will destroy the sanctity and credibility of the elections through massive vote-buying is now happening in the province of Lanao del Sur and in Marawi City,” ayon kay Dumarpa sa ibang liham sa pangulo.

“The foregoing elec­toral fraud is not isolated because it is also occur­ring in the municipalities identified and repre­sented by those who signed the letter,” ani Dumarpa.

ni Gerry Baldo

About Gerry Baldo

Check Also

Bulacan Airport Special Economic Zone

Bulacan Airport Special Economic Zone ibinasura ni Marcos, Jr.

IPINAWALANG BISA ni Pangulong Ferdinand Marcos, Jr., ang House Bill No. 7575 na naglalayong gawing …

Malacañan

Palasyo dumistanya
Bonggang birthday party ni Imelda Marcos, binatikos ng netizens

DUMISTANSIYA ang Office of the Press Secretary sa napaulat na bonggang birthday party ni dating …

Nasamsam ng PDEA P1.7-B  SHABU HULI SA 2 CHINESE NAT’L

Nasamsam ng PDEA
P1.7-B  SHABU HULI SA 2 CHINESE NAT’L 

UMAABOT sa 260 kilo ng hinihinalang shabu, nakasilid sa tea packs at nagkakahalaga ng kabuuang …

ni ROSE NOVENARIO TODO-SUPORTA si Pangulong Ferdinand Marcos, Jr., sa pagtatayo ng Bulacan Airport City Special Economic Zone and Freeport at ang kanyang desisyon na i-veto ang House Bill 7575 ay may layuning ayusin ang mga depekto ng panukalang batas. “Presidential Veto is fastest way to cure the defects of HB 7575 especially the provision which exempts the Commission on Audit to look into the financial transactions on the special economic zone and freeport,” sabi ni Press Secretary Trixie Cruz- Angeles. “Had the President not vetoed the HB 7575, it would have lapsed into law on July 4 or 30 days after the bill was sent by the legislature to Malacañang,” dagdag niya. Giit ng kalihim, kapos ang panukalang batas ng mga sangkap upang iugnay sa ibang batas, patakaran at regulasyon dahil hindi nakasaad dito na sakop ito ng audit provisions ng Commission on Audit (COA), “procedures for the expropriation of lands awarded to agrarian reform beneficiaries and a master plan for the specific metes and bounds of the economic zone.” Binigyan diin ni Angeles, lahat ng transaksiyon sa pananalapi ng gobyerno ay isinasailalim sa audit procedures ng COA at hindi dapat absuwelto sa naturang proseso ang Bulacan Airport City Special Economic Zone and Freeport. “Without those necessary amendments indicated in the veto explanation, the law may be vulnerable to constitutional challenge. The delegation of rule-making power on environmental laws which is unique to the special economic zone is of particular concern,” ani Angeles. Inilinaw ni Angeles, tuloy ang konstruksiyon ng P740-billion international airport sa Bulacan dahil ang “San Miguel franchise to operate the airport” ay aprobado ng Senado at Kamara noong 11 Oktubre 2020. “The construction of the Bulacan international airport and aero city is not affected by the veto. The presidential veto was meant to include the necessary corrections and include the missing processes that might render HB 7575 entirely unconstitutional,” paliwanag niya.

Sa Bulacan Airport City Special Economic Zone and Freeport
‘DEPEKTO’ NG HB 7575 AAYUSIN NG VETO 

ni ROSE NOVENARIO TODO-SUPORTA si Pangulong Ferdinand Marcos, Jr., sa pagtatayo ng Bulacan Airport City …

ombudsman

Kasong plunder at graft isinampa vs Lipa City Mayor Africa, 7 empleyado

SINAMPAHAN sa Office of the Ombudsman ng kasong kriminal at administratibo si re-elected Lipa City …

Leave a Reply