Tuesday , June 25 2024
Rice Farmer Bigas palay

Presyo ng palay bumagsak sa rice tariffication law

ILANG araw matapos pirmahan ni Pangulong Duterte ang Rice Tariffi­cation Law, nagpahayag ng pangamba ang ilang kongresista sa magiging epekto nito sa magsa­saka.

Ayon kay Butil Rep. Cecil Chavez, ang kongre­sista ng mga magsasaka, bumagsak agad ang farm gate price ng palay sa P14 kada kilo.

Sa press conference kahapon, nagbabala si Chavez, na magdurusa ang sektor ng agrikultura dahil sa nasabing batas.

“Napakalungkot ang klima ngayon, napaka­lungkot ng ating mga magsasaka lalo’t P14 na lamang ang presyo ng palay sa Nueva Ecija,” ani Chavez.

“Kapag walang natirang magsasaka dahil wala na silang maaaring kitain dito lahat po tayo rito, kahit hindi tayo magsasaka apektado tayo,” dagdag ni Chavez.

Nagbanta si Chavez na idudulog niya sa Korte Suprema ang batas kapag ipinatupad ito kahit walang  “implementing rules and regulations (IRR).”

“Ito pa nga lang po, masakit na sa mga magsasaka, paano pa po kaya ‘pag lalo pang bumaba ang presyo ng palay?”

“Hindi ba gano’n din ang ginawa nila sa langis at koryente? Paano tayo nakasisiguro na hindi tataas ang presyo ng bigas in the future? Sa ngayon puwedeng oo baka buma­ba, pero pagdating ng panahon iyon ang kinakatakutan ko,” pangamba ni Chavez.

Aniya, sa mga dara­ting na araw maaari pang bumaba ang farm gate price ng palay sa P12 o karumbas ng gastos sa produksiyon nito.

“Hindi ba iyon din ang sabi nila dati: Let the market prices determine the price of the product,” ani Chavez.

ni Gerry Baldo

About Gerry Baldo

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …

Leave a Reply

Your email address will not be published. Required fields are marked *