HATAW! D'yaryo ng Bayan hatawtabloid.com
NATATAWA na lang kami eh, kasi kamakailan nakikiusap si Mystika kay Coco Martin na kunin din siyang artista sa Ang Probinsyano dahil naghihirap na siya sa buhay. May sinasabi pang nagkasakit ang kanyang anak at hindi man lang niya maipagamot. Nasa Cavite kasi siya at nagtitinda na lang noon ng inihaw na manok.
Kinuha naman siya ni Coco dahil sa kanyang pakiusap. Aba eh sasandali pa lang eh sinasabi nang bumili siya ng isang van na nagkakahalaga ng P1.2-M. Mukhang ibinuhos niya sa isang van ang lahat ng kinita na niya sa Ang Probinsyano. Eh paano kung mawala na naman siya roon, babalik na naman siya sa pag-iihaw ng manok?
Minsan iyan ang mali ng isang artista. Hindi araw-araw ay pumapatak ang ulan. Minsan ay talagang wala at ang mga pagkakataong iyon ay kailangan nilang paghandaan talaga.
HATAWAN
ni Ed de Leon
