Thursday , March 28 2024
Julia Montes Target shooting
Julia Montes Target shooting

Target shooting ni Julia hinangaan ng netizens

SHOWBIZ KONEK
ni Maricris Valdez Nicasio

MARAMI ang natuwa, isa na kami, sa balitang isasama na sa FPJ’s Ang Probinsyano si Julia Montes. Matagal na rin naman kasing request ito ng fans ng dalawa.

Kaya nga noong unang mabalitang magsasama sa isang pelikula ang Coco-Juls marami na ang na-excite. At nadagdagan pa ang excitement ng netizens nang i-announce ng Dreamscape Entertainment ng ABS-CBN na papasok na nga si Julia sa action serye ni Coco.

Sa pagpasok ni Julia sa Ang Probinsyano, siya na ang bagong leading lady ni Coco.

Kasabay ng announcement ay ang paglalabas ng mga picture ng aktres sa isinagawang story conference at pictorial na ginanap noong Biyernes (Hulyo 30) sa ABS-CBN.

Ito ang magsisilbing TV reunion project nina Julia at Coco pagkatapos ng ilang taong panawagan ng fans na pagtambalin silang muli kasunod ng phenomenal TV drama na Walang Hanggan noong 2012.

Bukod kay Julia, papasok din sa FPJ’s Ang Probinsyano ang mga bagong karakter nina Tommy Abuel, Rosanna Roces, Vangie Labalan, Michael Flores, Chai Fonacier, Marela Torre, Elora Españo, at Joseph Marco.

Samantala, pinahanga ng aktres ang netizens sa galing niya sa target shooting. Sa Instagram, isang video ang ibinahagi ni Montes na kita ang pagsabak niya sa firing range.

Mayroong caption na, “Never mess with the woman whose aim is better than her temper,” ang video post.

Nasa 789,674 views na ang video post ni Julia habang isinusulat namin  ito at may 2,070 komento na halos lahat ay papuri sa galing ni Julia sa pagbaril.

Umani rin ng 3M views (and counting) ang CocoJul The Online Exclusive ng dalawa na napapanood sa Facebook pages ng Dreamscape Entertainment at ABS-CBN, at Youtube Channel ng ABS-CBN.

Sa kabilang banda, sa ikaanim na taon ng serye ngayong Setyembre, dadaan sa mas matitinding pagsubok si Cardo (Coco) at ang Task Force Agila sa patuloy na pakikipaglaban nila para sa bayan.

Nananatiling matibay ang pagsasama ng FPJ’s Ang Probinsyano at mga Filipino, mula sa pangunguna nito sa telebisyon hanggang sa online.

Patuloy na kinakapitan ang saya, aksiyon, at mahahalagang aral ni Cardo sa Kapamilya Online Live sa Facebook at YouTube, na sunod-sunod na sinira ng programa ang sariling record ng pinakamaraming viewers na sabay-sabay na nanonoood. Noong 2020, ang FPJ’s Ang Probinsyano rin ang naging kauna-unahang Pinoy teleserye na ini-livestream sa naturang video-streaming site.

Patuloy ring pina­nonood ang pakikipagsapalaran ni Cardo hindi lang sa Pilipinas kundi pati sa buong mundo sa pamamagitian ng The Filipino Channel, Netflix, at pagpapalabas sa Myanmar, Laos, Vietnam, Thailand, at 41 bansa sa Africa.

About Maricris Valdez Nicasio

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *