Saturday , June 15 2024
MARINA PCG Coast Guard

MARINA, Coast Guard ano’ng ginagawa — solon

MATAPOS ang sunod-sunod na aksidente sa karagatan ng bansa, nagtatanong si Cavite Rep. Elpidio Barzaga, Jr., kung ano ang ginagawa ng Philippine Coast Guard (PCG) at ng Maritime Industry Authority (MARINA), mga ahensiyang may kinalaman sa paglalayag ng mga barko.

Ayon kay Barzaga dapat may managot sa mga ahensiyang nabanggit.

“Have we not learned anything?” tanong ni Barzaga.

               “What is MARINA and the Philippine Coast Guard (PCG) doing now? Those who have been negligent should be held accountable for this accident because it could have been avoided if only they did their jobs.”

Umabot sa 29 pasahero ang namatay nang masunog ang MV Lady Mary Joy 3 noong Miyerkoles ng gabi sa karagatan ng Basilan.

Ang MV Lady Mary Joy 3 ay patungong Jolo, Sulu mula sa Zamboanga City noong 29 Marso nang masunog bandang 10:40 pm.

Ani Barzaga, nararapat magpaliwanag ang Philippine Coast Guard at ang MARINA kung bakit nangyari ito kagaya ng mga nakaraang insidente.

Malinaw sa kaisipan ni Barzaga ang imbestigasyon ng House committee on transportation sa paglubog ng MV Princess of the Stars noong 2008 na 800 ang namatay.

Lumubog ang barko na pag-aari ng Sulpicio Lines noong 21 Hunyo 2008 sa San Fernando, Romblon sa kalakasan ng bagyong Frank.

“What is the Coast Guard doing? If there were so many passengers, did they not check if the vessel was overloaded? Secondly, is there already an action to stop the shipping line from operating its other ferries on account of this incident?” tanong ng kongresista ng Cavite.

Ayon kay Mayor Arsina Kahing-Nanoh ng Hadji Muhtamad, Basilan hindi tama ang manipesto ng barko kaya nahirapan silang magsagawa ng “search, rescue and retrieval operations.”

Ayon sa mayor, 205 pasahero lamang ang nakalista sa PCG ngunit umabot sa 195 ang nasagip at hindi pa kasama sa lista ang 29 namatay.

Binanggit ni Barzaga ang paglubog ng motor tanker (MT) Princess Empress noong 28 Pebrero sa Naujan, Oriental Mindoro ay sanhi ng pagkalat ng 800,000 litro ng industrial fuel.

“We haven’t even recovered yet from the oil spill incident and now, this happened. Here we go again,” ayon kay Barzaga na chairman ng House committee on natural resources. (GERRY BALDO)

About Gerry Baldo

Check Also

Elma Muros-Posadas TOPS PATAFA

Elma Muros-Posadas pinuna ang ‘bata-bata’ system sa PATAFA

HINILING ni athletics icon Elma Muros-Posadas sa pamunuan ng Philippine Amateur Track and Field Association …

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

TMFF The Manila Film Festival 2024

Tabing ng TMFF ‘24 ibinaba na pelikulang “Three for 100” kinilalang Best Film

PORMAL nang ibinaba ang tabing ng “The Manila Film Festival 2024” noong Martes ng gabi …