Friday , March 29 2024
Vilma Santos

Premiere vlog ni Ate Vi naka-70K views agad

HATAWAN
ni Ed de Leon

DOON sa naging simula ng vlog ni Ate Vi (Congw. Vilma Santos) sa sarili na niyang channel, makikitang hanggang sa ngayon ay lamang pa rin sa kanya ang pagiging isang aktres, kaysa pagiging isang politician. Sinabi naman niyang wala pang definite content ang vlog niyang Ate Vi for all Seasons. Katunayan nagtatanong pa nga siya sa audience niya kung ano ang gusto niyang itawag sa kanila. Hindi naman kasi puwedeng ”friends” lang. Hindi rin kagaya ng dati na kung sabihin niya “my Vilmanians” dahil ang audience niya ngayon ay hindi lamang mga Vilmanian kundi ang mga constituent niya, at iyong mga “looking forward” na maging constituents din niya.

Pero ang nakagugulat, sa kanyang premiere vlog, na lumabas naman ng katanghaliang tapat, kasabay ng mga Sunday noontime shows sa telebisyon, nakapag-rehistro ng mahigit na 70,000 viewers agad, at hindi gaya ng ibang vlogs na bumababa ang bilang ng audience habang nagtatagal, mukhang tinapos ng mga nanonood ang kanyang isang oras na vlog na marami ang nagsasabing kulang ang isang oras.

Eh simula lang naman iyan. Sinasabi nga ni Ate Vi na sa mga susunod na vlogs , gagawin na niya iyong ”live”. Oras na mag-live si Ate Vi, naku humanda na kayo. Iyon nga lang makipagkuwentuhan minsan iniiwasan niya dahil mahirap maawat eh. Pero tiyak na mag-eenjoy naman ang fans doon.

Marami rin ang nakabantay noon sa kanyang vlog at nag-aabang kung ano na ang sasabihin niya sa kanyang political career. May nagsabi ngang may inutusan na raw manood kay Ate Vi, para maabisuhan na nga ang mga troll kung sisiraan na siya, pero ewan kung manalo nga ang 30,000 suwelduhang trolls sa libo-libong Vilmanians basta binalikan sila. Pero wala pa ngang sinabi si Ate Vi, dahil ipinagdarasal pa niya iyan.

May nagsisimula na ngang mga troll simula noong sabihin nila ni Senator Ralph Recto na suportado nila si Yorme Isko. Para lang maiwasan muna, inawat ni Ate Vi ang mga Vilmanian at sinabihang huwag patulan.

Pero kung papatulan ng mga Vilmanian iyan, makatitikim sila ng hindi pa nila nararanasan sa kanilang buhay. Wala iyang mga troll kung ang pagbabatayan ninyo ay ang tarayan ng mga Noranian at Vilmanian noong araw. Baka ang ka-level ng mga troll ngayon, para lang fans ni Dolly Favorito noong araw, o fans ni Nori Dalisay.

About Ed de Leon

Check Also

Audrey Avila

Audrey Avila, maraming pasabog ng eksena sa pelikulang Dayo

ALAM MO NA!ni Nonie Nicasio ANG pelikulang Dayo ang susunod na aabangan sa sexy actress …

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …