Friday , March 29 2024
Vilma Santos
Vilma Santos

Ate Vi ‘di pa rin tiyak ang tatakbuhin sa 2022 election

HATAWAN
ni Ed de Leon

SA politika, maraming pagbabagong nangyayari hanggang sa last minute, kaya hindi dapat pangunahan kahit na sino kung ano nga ba ang kanilang papasukin lalo na sa eleksiyon.

Halimbawa na nga, kinukulit nila si Congresswoman Vilma Santos na magdeklarang tatakbong senador sa 2022, eh wala pa ngang desisyon iyong tao eh. Ang sinasabing sigurado, tatakbong congressman sa distrito si Senador Ralph dahil sagad na ang term niyon sa Senado. Mas effective naman si Sen. Ralph bilang law maker dahil sa kaalaman niya sa public administration at ekonomiya. Hindi siya tatakbong executive kahit na sa local government lang. Maliwanag na papalitan niya si Ate Vi sa lower house, pero hindi nangangahulugan iyon na tatakbo na ngang senador si Ate Vi. Ang latest, dalawang partido na ang humihimok sa kanyang tumakbong senador at may isa pang hinihimok siyang tumakbo para sa mas mataas na posisyon.

Iyong mga taga-Batangas naman dahil kinatatakutan nilang mawala ang atensiyon ni Ate Vi sa kanila, gusto naman siyang pabalikin sa LGU, na malabo rin dahil nanganga­hulugan iyon na may mga kapartido nila na maaagawan niya ng posisyon samantalang nabuo na nila noon pa ang One Batangas, wala na halos labang political diyan dahil gusto nila ay concentrated na lang sila sa paglilingkod na pambayan.

Hindi mo rin kasi masasabi eh, baka may isa silang kasama na gusting tumakbo rin sa isang national position, siguro pagbibigyan niya iyan at maaaring tumakbo na nga siya ulit sa pamahalaang lokal. Tandaan ninyo, sa Batangas ay unbeatable iyan. Tatlong terms na mayor. Tatlong terms na governor. At kahit na ang mga nakalaban niya noon na sinasabing pinakamalalakas sa Batangas, tinalo niyang lahat iyon. Kaya naman hirap na hirap siyang gumawa ng desisyon na iwan ang Batangas.

Maraming konsiderasyon na kailangang isipin sa isang eleksiyon, hindi lang iyong kung mananalo. Iyong panalo, kung ang pagbabatayan ay ang kanyang record sa serbisyo publiko at ang kanyang popularidad eh sasabihin mong panalo na iyan wala pang eleksiyon. Pero iyang pagkuha ng tiwala at boto ng bayan ay kalahati lang. Mayroong nananalo sa eleksiyon na natatalo sa bilangan. Maraming mabubuting tao na natatalo pa lalo na kung may makakalaban kang sa kampanya ay may dalang sako-sakong pera.

Bigyan pa natin ng panahong mag-isip si Ate Vi, tutal may isang buwan pa naman siya para makabuo ng desisyon. At saka mahirap ding magdeklara agad. Baka hindi pa man ay kung ano-ano nang paninira ang gawin ng mga paid troll.

About Ed de Leon

Check Also

Audrey Avila

Audrey Avila, maraming pasabog ng eksena sa pelikulang Dayo

ALAM MO NA!ni Nonie Nicasio ANG pelikulang Dayo ang susunod na aabangan sa sexy actress …

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Leave a Reply

Your email address will not be published. Required fields are marked *