Friday , March 29 2024
Bea Alonzo
Bea Alonzo

Bea iginiit: Wala siyang ibiniting trabaho

HATAWAN
ni Ed de Leon

ONCE and for all, nilinaw ni Bea Alonzo na wala siyang ibiniting trabaho sa ABS-CBN kagaya ng akusasyon sa kanya ng ilang dating nakatrabaho. Diniretso niyang sinabi na Covid ang dahilan kung bakit nagdesisyon ang management na itigil na ang trabaho sa serye nila. Iyon nga lang, hindi na niya nahintay na magbalik sa normal ang lahat at umasang itutuloy pa ang seryeng iyon. May mga kasamahan naman siyang umaasa nga na matutuloy pa ang serye kung magiging normal na ang lahat.

Kaso, kailan nga ba babalik sa normal? Kailan ba mabibigyang muli ng franchise ang ABS-CBN?

Dahil wala ngang katiyakan at alam naman ni Bea na hindi puwedeng matulog lamang ang kanyang career, nang makatanggap siya ng magandang offer, lumipat siya sa GMA. Pero hindi issue iyon dahil isa siya sa mga talent na pinakawalan na ng ABS-CBN noong mawala rin ang kanilang franchise, eh kung iyon ba naman hindi nila pinakawalan eh, makalilipat ba iyan sa GMA?

Samantala naghahanda na raw siya, hindi nga malaman kung pelikula ba ang uunahin o isang serye sa telebisyon pero sinasabi ngang alinman ang mauna, si Alden Richards naman ang leading man niya sa alin mang projects na iyon.

Sa ngayon happy naman si Bea sa buhay niya. Mukhang ganado siya sa kanyang trabaho, at masaya rin naman siya sa kanyang lovelife.

Basta ang sinasabi nga ni Bea, mas pagbubutihin niya ang kanyang career sa ngayon. Marami siyang kailangang patunayan. Matagal na rin naman siyang napahinga, hindi tayo nakasisiguro. Siya pa rin ba ang mananatiling movie queen hanggang ngayon?

Maraming mga bagong artista na sumulpot at sumikat bago pa ang pandemya, nagtuloy sila sa kanilang trabaho, eh sila kasi urong-sulong nga ang kanilang career dahil wala pang katiyakan noon ang franchise ng ABS-CBN, nagkataon pang nasabit. Kaya parang nabantilawan din ang lahat ng mga plano nila noon.

Pero palagay naman namin, makakaya pa ni Bea.

About Ed de Leon

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *