Gerald ‘di pa handang patawarin ni Bea
Bea Alonzo, Gerald Anderson
MA at PA
ni Rommel Placente
SA guesting ni Gerald Anderson sa online show ni Boy Abunda, napag-usapan nila si Bea Alonzo, ex ng aktor. Gusto nitong humingi ng tawad sa aktres at hiling na sana ay magmove-on na silang pareho.
Sa isang interview ni Bea, kinuha ang reaksiyon niya sa paghingi ng tawad sa kanya ni Gerald.
Pero mukhang masama pa rin ang loob nito sa dating minamahal, dahil sabi niya ay hindi pa niya mapapatawad si Gerald. At hindi pa rin siya handa na patawarin ito.
Ani Bea, ”Ang plastic ko kasi ‘pag sinabi kong pinatawad ko na siya matagal na.
“It’s not about just forgiveness or asking for forgiveness. It’s about taking accountability and responsibility for your actions.
“Madali kasing humingi ng sorry, ng pagpapatawad, pero anong gagawin mo pagkatapos niyon?”
O ‘di ba, hindi pa kayang patawarin ni Bea si Gerald? Pero dapat ay patawarin niya na ito, baka kasi masabihan pa siyang hindi pa nakaka- move on sa hiwalayan nila at mahal pa rin niya ito, ‘di ba?
