Sunday , December 5 2021

Jasmine nawalan na ng serye binanatan pa ng netizens (Rider pinagbintangang ninakaw ang inorder na food)

HATAWAN
ni Ed de Leon

KAWAWA naman si Jasmine Curtis Smith, nalagay na nga sa ”season break:” ang kanyang serye dahil hindi nakaabante sa ratings,  muk­hang hindi na ibabalik dahil ang pinag-uusapan na ngayon ay ang proyekto ni Alden Richards na kasama si Bea Alonzo. At ngayon binabanatan pa siya ng netizens dahil lamang sa pagkaing inorder at hindi nai-deliver sa kanya.

Nag-order daw siya ng pagkain, kaso hindi nakarating ang kanyang order, siguro nainis dahil nagutom, ang ginawa nag-post sa kanyang social media account, inilagay niya pati identity at picture ng rider na dapat mag-deliver sa kanya, at sinabi niyang ”ninakaw ang pagkain ko.”

Siguro nga nainis siya dahil binayaran niya iyon at hinihintay niya para kainin tapos hindi dumating. Hindi alam kung ano ang nangyari sa rider na hindi nakarating. Nangyayari iyan kahit na kanino. Kami naka- experience rin ng ganyan, nag-order kami ng pagkain para sana sa tanghalian. Hindi rin dumating. Nakarating ang pagkain namin ng 3:00 p.m., pero naaksidente pala ang rider. Ang naghatid sa amin ay iyong anak niyong rider, humihingi pa ng dispensa at huwag na raw bayaran kahit dapat ay COD. Kasi naak­sidente nga ang tatay niya na siyang dapat magdala niyon. Eh kung ang ginawa ko ay minura ko rin ang rider at pinagbinta­ngang ninakaw ang pagkain ko, ano ang gagawin ko sa ganoong si­twasyon?

Ang dapat gawin, kung hindi dumating ang inaasa­hang delivery, i-report ninyo sa customer service ng kompanya. Sila ang bahala sa rider nila. Bibigyan nila kayo ng refund ng ibinayad ninyo. Wala na nga lang magagawa kung nagutom kayo pero talagang ganoon eh.

Sino bang rider ang gustong maireklamo dahil hindi niya nai-deliver ang order na ipinadala sa kanya? Maaari siyang mawalan ng trabaho kung ganoon. Sa panahong ito, isusumpa mo kung mawawalan ka pa ng trabaho. Iyang mga rider na iyan kikita lang ng mga P100 sa bawat delivery, magpapa-gasolina pa ng motorsiklo niya. Kung mainit bilad siya sa araw. Kung umuulan, basa siya. Marami riyan hinuhulugan pa ang motorsiklo nila. Nagtitiis sila dahil mas mahirap kung wala silang pagkakakitaan.

Kaya hindi naman talaga tama na pagbintangan mo ang isang tao na ninakaw ang pagkain mo, ilabas mo sa social media at bigyan ng kahihiyan. Hindi lang iyong tao kundi pati ang pamilya niya. Iyong ibinayad, maaari namang ipa-refund. Pero iyong sakit na dulot niyon sa isang tao, hindi mo na mababawi.

About Ed de Leon

Check Also

Klinton Start Aspire Magazine

Klinton Start cover ng Aspire Magazine, may serye pa sa ABS-CBN

MATABILni John Fontanilla HAPPY si Klinton Start dahil sa dami ng proyektong ginagawa niya ngayon. Bukod sa napili ito ng publisher …

Samantha Bernardo

Samantha ‘di nakasali sa MUP

MATABILni John Fontanilla SASALI pala sana ang Miss Grand International 2020 1st runner-up Samantha Bernardo sa 2021 Miss Universe Philippines.At kahit alam nito …

Jeyrick Sigmaton Carrot Man

Carrot Man Jeyrick wagi sa NY

RATED Rni Rommel Gonzales NI sa panaginip ay hindi inaasahan ni Jeyrick Sigmaton na magkakaroon siya ng isang international …

Miguel Tanfelix

Miguel ayaw sa babaeng maarte

RATED Rni Rommel Gonzales INILAHAD ni Voltes V: Legacy star Miguel Tanfelix ang nag-iisang ugali na ayaw sa isang babae sa …

Maja Salvador Rhea Tan Reiko and Kenzen Beautéderm Health Boosters

Reiko and Kenzen Beautéderm Health Boosters, perfect kay Maja Salvador

ALAM MO NA!ni Nonie Nicasio KITANG-KITA ang pagiging magka-vibes nina Maja Salvador at lady boss …

Leave a Reply