Wednesday , April 23 2025
Betong Sumaya, Alden Richards

Betong napaiyak nang bilhin ni Alden mga ibinebenta sa live selling

Rated R
ni Rommel Gonzales

IBANG klase talaga ang kabaitan ni Alden Richards.

Nagkaroon kasi ng Facebook live online selling ng kanyang mga personal na gamit (sumbrero, t-shirt, mugs, Marvel items) si Betong Sumaya ilang araw ang nakararaan.

Malapit ng matapos ang online selling ni Betong nang isang RJ Richards ang nagtanong kung magkano ang halaga ng lahat ng ibinebenta niya.

Sa simula ay hindi agad nakilala ni Betong kung sino si RJ Richards. Matapos na basahin ng ilang ulit ang mensahe ay doon na napagtanto na ang kaibigan niya at kapwa Kapuso artist ang nagtatanong, na walang iba nga kundi si Alden.

“Si RJ Richards? Ha? Alden, ikaw ba ‘yan?” ang gulat na tanong muna ni Betong.

“Magkano lahat ang ibinebenta mo riyan, Bets?” ang muling mensahe ni Alden.

At iyon na nga, nagulat si Betong noong masigurong si Alden nga ang nagtatanong sa kanya ng halaga ng mga ibinebenta niya.

“Siya ‘yun! Ay, sumagot na nga.

“Ay, si Alden nga talaga ito! My God, Alden! Grabe naman ‘to!”

At ang sumunod na mensahe ni Alden ang nagpaiyak kay Betong.

“Bigyan mo ako ng P40K [worth].”

Na-shock si Betong at hindi makapaniwala na nanonood pala si Alden ng kanyang online selling at bibili ng halagang 40K.

“Sige, Alden, sige. Wow, my goodness Alden, napaiyak mo naman ako roon.

“Oh my God, Alden, thank you.

“Ano ba ‘yan, Alden, pinaiyak mo naman ako rito.

“Sige, Den, iano ko, iku-compute ko, thank you.

“Ano ba ‘yan, si Alden naman, o! Napaiyak talaga ako, sobra.

“Sige, Den, ku-compute-in ko, ha. ‘Yung sabi niya kasi, worth P40,000. Thank you, Den.”

Agad na binayaran ni Alden sa pamamagitan ng GCash ang ipinangako niyang halaga kay Betong, dahilan upang lalong umiyak ang komedyante.

“Hala, nagbayad na!

“Den, salamat, ha. From the bottom of my heart and my soul, maraming salamat.

“Hindi ko ini-expect na dadaan ka rito. Thank you,” ang sunod-sunod na umiiyak na pahayag ni Betong.

Kasalukuyang nasa lock-in taping si Alden ng The World Between Us ng GMA (na magbabalik-ere sa Nobyembre) at may nakapagsabi sa amin na kahit binayaran na ay hindi kukunin ni Alden ang mga biniling gamit kay Betong.

About Rommel Gonzales

Check Also

Hiro Magalona

Hiro Magalona balik pag-arte sa pelikulang Aking mga Anak

MATABILni John Fontanilla PGKATAPOS magpakasal at balik-showbiz ang aktor na si Hiro Magalona, makakasama ito sa …

Billy Crawford Coleen Garcia Son

Coleen may mensahe kay Billy sa kanilang 7th wedding anniversary

MATABILni John Fontanilla SABAY na ipinagdiwang nina Billy Crawford at Coleen Garcia ang kanilang seventh wedding anniversary at Easter …

Sanya Lopez

Sanya never idinenay at itinago sa publiko na may naging dyowa

MA at PAni Rommel Placente DAHIL ang title ng latest movie ni Sanya Lopez ay Samahan ng mga …

Gardo Versoza Cherie Gil Nora Aunor

Biro ni Gardo ‘di nagustuhan ng netizen

NAGBIBIRO man o hindi si Gardo Versoza sa kanyang post na larawan nila nina Cherie Gil at Nora Aunor sa kanyang …

Jericho Rosales Janine Gutierrez

Jericho pinuri pamilya ni Janine: amazing family, this is the family

MA at PAni Rommel Placente FINALLY ay kinompirma na ni Jericho Rosales na boyfriend na siya ni Janine …