COOL JOE!
ni Joe Barrameda
MAGANDA ang tinatahak ng showbiz career ni Gabbi Garcia. Aba nagulat na lang kami nang mapanood namin siya bilang isa sa mga bagong host ng long time running show na Eat Bulaga. Hindi pa naman siya regular host dito pero nakita namin ang husay niya sa hosting. ‘Di ba rito sumikat si Alden Richards?
Si Gabbi ay super alaga ng GMA 7 at magagandang shows ang naibigay sa kanya. Magaganda rin ang mga endorsement na nakukuha niya.
Sa personal ay okay din ang lovelife niya with Khalil Ramos. After sa break-up niya kay Ruru Madrid, si Khalil ang pumalit kay Ruru at currently strong ang relasyon nila. Sana magtuloy-tuloy ito.
Si Gabbi ay masunurin sa kanyang mga magulang at kaya siguro good vibes ang career niya.
