Saturday , December 2 2023
Angel Locsin Neil Arce Dimples Romana
Angel Locsin Neil Arce Dimples Romana

Kasal nina Angel at Neil, unglamorous

HATAWAN
ni Ed de Leon

Unglamorous.”  Ganyan ang comment ng isang fashion critic sa lumabas na wedding photos nina Angel Locsin at Neil Arce. Kahit na ang bride ay nakasuot ng blouse na puti, naka-jeans naman siya at sneakers. Ang groom naman ay white shirt at jeans and sneakers din. Kasi casual lang naman ang okasyon at sa totoo lang, iyong ganoong kasuotan ay parang semi-formal na sa panahong ito. Marami na ngang mga fashion designer ang nag-close shop dahil iba na ang trend, para bang lahat ready to wear na.

Isa pa, noong makita rin namin iyon, alam din naman naming hindi pa iyon ang pormal na kasal nina Angel at Neil. Iyon ay isang kasal na sibil. Pero ang paniwala namin, iyon ay ginawa lang nila dahil sa requirement sa isang born again ceremony na kanilang binabalak. Hindi kagaya ng kasal sa simbahang Katoliko halimbawa na ang kailangan lamang ay marriage license at tapos kasalan na.

Karamihan sa mga born again pastors ay walang faculty para magkasal dahil ang kanilang fellowship ay hindi affiliated sa isang major religion. At dahil wala ngang faculty, ang ginagawa nila ay ipinakakasal muna nila nang sibil, para iyon ay maging legal, at pagkatapos ay nagkakaroon na lang ng convalidation para sa kanilang fellowship.

Dahil para naman sa kanila ay hindi pa pormal na kasal iyon, kaya casual na lang na kasuotan ang ginagamit nila. Kung iisipin nga hindi man lang nila binanggit kung sino ang nagkasal sa kanila, ni ang mga witness sa kanilang kasal. Importante iyon dahil kung wala iyon, bale wala rin ang kasal na iyon.

Marami talaga ang hindi nakaiintindi dahil sa technicality niyang batas natin sa kasal at sa pagsulpot nga niyang mga kasal na born again. Ayon sa batas, ang dalawang ikakasal ng isang lehitimong pastor ay kailangang kapwa miyembro ng kanyang relihiyon, o kung hindi man kahit na isa. Eh karamihan diyan sa mga grupong born again ay “Fellowship” lamang, at non-denominational pa. Paano nga ba masusunod ang batas? At saka iyang mga namumuno lamang ng mga fellowship at hindi tunay na pastor ng isang relihiyon, iyan ay hindi nakakukuha ng faculty para magkasal.

Kaya iyang kasal nina Angel at Neil, huwag na muna ninyong pansinin dahil tiyak na iyan ay masusundan pa ng isang mas engrandeng kasalan.

About Ed de Leon

Check Also

Kathryn Bernardo Daniel Padilla Kathniel

Daniel kay Kathryn — ang pagmamahal ko sayo ay walang hanggan at walang katapusan

SAMANTALA, matapos kompirmahin ni Kathryn Bernardo ang lbreak-up nila ni Daniel Padilla, ang aktor naman ang nag-post ng …

Kathniel Kathryn Bernardo Daniel Padilla

Kathryn kinompirma hiwalay na sila ni Daniel

BINASAG na ni Kathryn Bernardo ang kanyang pananahimik. Inamin nitong hiwalay na sila ni Daniel Padilla. Idinaan ng …

Robi Domingo Andrea Brillantes Daniel Padilla 

Robi Domingo iginiit ‘di niya in-unfollow sina Daniel at Andrea: hindi ko naman kasi talaga sila pina-follow 

NILINAW ni Robi Domingo na hindi totoo ang mga naglalabasang tsika na in-unfollow niya sina Andrea Brillantes at Daniel Padilla sa …

Angelica Cervantes

Angelica Cervantes umamin tatlong taon ng may karelasyong babae

RATED Rni Rommel Gonzales IBA na ang panahon ngayon. Kung noon ay ang kabadingan lamang …

Piolo Pascual Rhea Tan

Piolo parang isang buong flower shop ang ipinadala sa CEO ng Beautederm

RATED Rni Rommel Gonzales AMINADO si Bea Alonzo na unexpected ang pagkakabati nila ni Manay Lolit Solis sa birthday …

Leave a Reply

Your email address will not be published. Required fields are marked *