Wednesday , December 1 2021
Angel Locsin Neil Arce
Angel Locsin Neil Arce

Neil & Angel’s wedding biglaan

FACT SHEET
ni Reggee Bonoan

LONG overdue na ang church wedding nina Neil Arce at Angel Locsin dahil dapat noon pang Nobyembre 2020 pero dahil sa COVID-19 pandemic ay na-postpone ito at ngayong 2021 sana ito itutuloy pero hindi pa rin nawawala ang pandemya at muling inilagay ang Metro Manila sa Enhance Community Quarantine (ECQ) sa ikatlong pagkakataon na.

Huling usap namin ng aktres, wala pang petsa dahil nga depende sa sitwasyon dahil gusto sana niyang makasama ang mga importanteng tao sa buhay nila ni Neil bukod sa kani-kanilang pamilya.

Kaya imbes na church wedding ay civil rites muna na officiated ni Taguig City Mayor Lino Cayetano na hindi binanggit ang petsa dahil base sa nakatsikahan naming common friend namin ni Angel, sa YouTube channel nila ni Neil ito ilalabas.

Halatang biglaan ang kasal dahil parehong naka-all black ang dalawa na pinatungan lang ng dalaga ng white blazer at ang binata naman ay naka- sweatshirt ng puti with their sneakers black (Neil) and white (Angel).

Miyembro ng pamilya lang ng dalawa ang dumalo sa kasal bilang pagsunod sa health protocols na ipinatutupad ng IATF at ang kaibigan nilang si Dimples Romana kasama ang asawang si Boyet Ahmee.

Cool and chillux ang tingin namin sa kasal ng dalawa dahil para lang silang naglalaro na puro tawanan lang na base na rin sa mga larawang kuha at video ng Ate Ela Colmenares ni ‘Gel.

Ayon naman sa aktres, hindi pa niya ipino-post lahat ng mga larawan dahil, ”Namimilipit pa ako sa kilig.”

At sinabi nito na ang mga larawang kuha pagkatapos ng kasal ay, ”sa parking lot sa may tabing bahay. Nagmukhang ibang bansa!”

Simple lang ang caption ni Neil sa larawan nanila ng asawa na ipinost niya sa kanyang IG account, ”pa-mine.”

Ang Ate Ela ni Angel naman ang isa sa photographer nila na kinikilig din sa kasal ng kapatid.

Aniya, ”Mabuhay ang bagong kasal! Binantayan ko ang pinto ng room just in case may pipigil, haha! Love you both, @therealangellocsin@neil_arce! Andito lang ang ate n’yo pag kelangan n’yo ng taga-alaga ng anak.

“Ang saya-saya! Welcome to the family, @neil_arce! Ingatan mo sisterette ko. Yung natuloy din kahit sa gitna ng pandemya! Kahit tayo-tayo lang sa wedding n’yo, ang importante masaya kayo at prepared sa bagong yugto ng buhay nyo.

“So happy for you, Angel & Neil!  Sana magkaron na ko ng mga pagtitripan na pamangkin!”

Hmm, isasama for sure ni Ela ang magiging anak nina Angel at Neil sa kanyang series of Tiktok, he, hehe.

Congratulations and best wishes Angel at Neil mula sa HATAW.

About Reggee Bonoan

Check Also

Kylie Padilla Robin Padilla Aljur Abrenica

Robin nalungkot balikan nina Kylie at Aljur imposible na

KITANG-KITA KOni Danny Vibas MAY YouTube channel na rin pala si Kylie Padilla at kamakailan ang naging guest n’ya …

Janina Raval

Janina Raval tatapatan ang pagpapa-sexy ni AJ Raval

HARDTALKni Pilar Mateo ALAM niyang hindi naman siya nagkakamali sa pinanghahawakan niyang intensiyon sa pagsalang sa mundo ng …

Maja Salvador Rhea Tan Beautederm

Rei Tan payag mag-ninang kina Maja at Rambo, sasagutin pa ang reception

FACT SHEETni Reggee Bonoan HINDI itinanggi ni Maja Salvador na may mga napag-uusapan na sila …

Yeng Constantino Mother Victor Asuncion

Yeng namatayan ng ina, nagka-covid pa silang mag-asawa

FACT SHEETni Reggee Bonoan GRABE ang pagsubok na dumaan sa buhay ng mag-asawang Yeng Constantino …

Isko Moreno Joven Tan

Yorme sa kumukuwestiyon sa kanyang kakayahan — Leadership is about who did good

SHOWBIZ KONEKni Maricris Valdez Nicasio “WALA ako rito kung wala ang showbiz.” Ito ang pagtanaw …

Leave a Reply