Wednesday , October 27 2021

Huli sa aktong ‘pot session’ 3 singhot boys tiklo sa droga

DINAKIP ng mga awtoridad ang tatlong ‘singhot boys’ habang abala sa isang pot session sa loob ng bahay ng isang  alyas Pato kamakalawa ng gabi, 2 Enero, sa lungsod ng Marikina.

Kinilala ang mga nadakip na sina Amado Sison, 42 anyos, alyas Patol; Ron Ely Catiis, 23 anyos; at Jolibe Lalisan, 25 anyos, pawang mga residente sa Brgy. Malanday, sa naturang lungsod.

Nabatid na dakong 7:20 pm kamakalawa nang naaktohan ng mga operatiba at barangay tanod ang tatlong suspek na abala sa pagsinghot ng droga sa nabanggit na lugar.

Nauna rito, nagsagawa ng patrolya sina P/MSgt. Reyna Murillo kasama ang mga barangay tanod na sina Ruel Ruiz, Roderick, Dexter at Erickson Telan ng Sub-Station 4 ng Marikina PNP nang makatanggap ng tawag kaugnay sa nagaganap na pot session sa lugar.

Nasamsam mula sa mga suspek ang isang tooter, tatlong transparent plastic sachet ng hinihi­nalang shabu, aluminum foil, isang nakarolyong aluminum foil, at isang disposable lighter.

Sasampahan ang mga suspek ng kasong paglabag sa Section 13 at 14, ng Article 2 ng RA 9165 o The Comprehensive Drug Act of 2002.

(EDWIN MORENO)

About Ed Moreno

Check Also

Kim Molina, Jerald Napoles

KimJe inaatake ng nerbiyos sa swab in at swab out

SHOWBIZ KONEKni Maricris Valdez Nicasio SUNOD-SUNOD ang pelikula nina Jerald Napoles at Kim Molina sa Viva Films kaya naman sanay na sila sa …

politician candidate

Substitution rule ng kandidato isinusulong sa Senado

INIHAIN ni  Senador Win Gatchalian ang panukalang batas  na nagbabawal sa pagpapalit ng kandidatong nagdesisyong …

Pantawid Pasada Program, LTFRB, DBCC

Pantawid Pasada Program binuhay,
P1-B CASH AID SA 178K TSUPER IPINANGAKO

ISANG bilyong pisong cash aid ang ipamamahagi ng gobyerno sa 178,000 tsuper ng mga pampublikong …

102621 Hataw Frontpage

Hikayat sa DOH
BAKUNA SA ESTUDYANTE GAWING ‘MANDATORY’

MATAPOS  simulan ng pamahalaan ang pagbabakuna sa tinatatawag na ‘general population’ ng bansa, naniniwala si …

arrest, posas, fingerprints

Top 1 MWP ng Pasig, arestado sa CamSur

NADAKIP ng mga tauhan ng Eastern Police District (EPD) sa lalawigan ng Camarines Sur ang …

Leave a Reply