Thursday , April 18 2024

Carmi Martin, binigyan ng certification na fit to work na

NAKATUTUWA kung may naririnig tayong mga kakilala nating gumagaling sa Covid-19. Ang dami nang mga artista na tinamaan ng Covid-19. Nauna na riyan si Christopher de Leon na mabilis namang gumaling. Ngayon ang latest na gumaling at binigyan pa ng certification na “fit to work” ay si Carmi Martin.

Nakatutuwa rin naman ang ginagawa ng mga artistang nagkaroon ng Covid, dahil nagdo-donate sila ng dugo para makuha ang plasma na sinasabing nakatutulong din naman sa mga may sakit para malabanan ang virus. Maraming pagkakataon, at sinasabi nga maski ng ilang kaibigan naming doctor na totoo, wala pang bakuna laban sa Covid at malamang iyan sa susunod na taon pa. Wala pa rin namang gamot laban sa Covid at hindi mo alam kung kailan magkakaroon niyan.

Pero may nagagamit silang kombinasyon ng mga gamot na nagpapalakas ng katawan ng isang tao upang malabanan ang Covid-19, at gumagaling naman sila. Sa mga artistang nagkasakit, isa lang ang medyo minalas, si Menggie Cobarrubias, na namatay bago pa man lumabas ang resulta ng kanyang test. Positibo siya, pero lumabas iyon limang araw matapos siyang mamatay.

Naniniwala kaming magagaling talaga ang mga doctor na Filipino. Isa tayo sa may pinakamataas na kaso ng Covid sa buong Asya. Pero isa rin tayo sa may pinakamaraming kaso ng gumaling mula sa sakit na iyan sa buong mundo. Wala pang bakuna, wala pang gamot. Isa rin tayo sa may pinakamaliit na bilang ng mga namamatay sa Covid.

Natutuwa kami sa sitwasyong iyan. Ibig sabihin kahit na paano, sinasabi man ng iba na palpak, pero dahil mahuhusay ang mga doctor natin, mas marami naman ang gumagaling.

Ed de Leon

About Hataw Tabloid

Check Also

Beaver Magtalas Rico Yan

Beaver Magtalas mala Rico Yan ang dating

MATABILni John Fontanilla KAMUKHA ng yumaong aktor na si  Rico Yan ang baguhang aktor na si Beaver Magtalas na …

Ivana Alawi

Ivana Alawi gumastos ng milyones para sa lalaki

MATABILni John Fontanilla NABIGLA ang publiko nang aminin ni Ivana Alawi sa kanyang pamilya at sa publiko …

Dennis Padilla Aster Amoyo

Dennis ibinilin sa mga anak: magtulungan

MA at PAni Rommel Placente SA guesting ng komedyanteng si Dennis Padilla sa vlog ni Aster Amoyo na TicTALK with …

Janno Gibbs Manilyn Reynes Keempee de Leon

Manilyn pinaka-memorable na ka-loveteam si Janno

MA at PAni Rommel Placente SA guesting ni Manilyn Reynes sa Updated with Nelson Canlas, tinanong siya kung …

Glaiza de Castro David Rainey

Glaiza naka-iskedyul pagbuo ng baby

RATED Rni Rommel Gonzales SOBRANG busy si Glaiza de Castro, paano ang pagbuo nila ng pamilya ng …

Leave a Reply

Your email address will not be published. Required fields are marked *