Wednesday , May 29 2024

Sinita ng pulis sa Maynila
DRIVERS TINAKOT LACSON-SOTTO FACE MASK BAWAL

111121 Hataw Frontpage

PUWEDENG isuot pero dapat na baliktarin at ipaloob ang bahaging may pangalang Lacson-Sotto at ang blanko o walang marka ang nasa labas.

Ito ang naging karanasan ng ilang padyak, tricycle at kuliglig drivers sa mga piling bahagi ng lungsod ng Maynila na gumagamit ng face mask na may marka ng mga pangalan nina Partido Reporma standard bearer Panfilo Lacson at running mate na si Tito Sotto sa hangarin na magkaproteksiyon sa hangin na posibleng kontaminado ng CoVid-19.

Sa mga kandidatong tumatakbo sa pambansang posisyon, ang Lacson-Sotto tandem ang nakaisip na mamahagi ng libreng face masks upang mabawas-bawasan ang gastos ng mahihirap sa proteksiyon laban sa pandemya.

Partikular na nakaranas ng ganitong pangyayari batay sa mga impormasyong naglalabasan ay ang mga traysikel at padyak drivers sa bahagi ng Tondo, Binondo, Quiapo, Abad Santos, at Divisoria.

Bukod sa pagpapabaligtad sa suot na face mask ay pinagbabawalan din umanong magkabit ng Lacson-Sotto tarp sa kanilang mga sasakyang panghanapbuhay.

 “Mga sir magandang gabi po sa area ng District 1 Tondo sinisita ng mga police mga tarp na nakalagay sa tricycle pinagbabawal, tapos ‘yung face mask pinababaliktad po. ‘Yan po report ng tao natin,” banggit ng impormante ng naturang pangyayari.

Ayon sa sumbong, dalawang pulis umano ang naninita sa mga nagsusuot ng face mask na kita ang marka ng Lacson-Sotto upang mapilitan ang mga may-suot na itago ang marka at ang blankong bahagi ang ilantad.

        “Yan po txt sa akin ‘yung sa tarp di na ako nagsabi po sa inyo pero sa face mask iba na pong usapan na ‘to. ‘Yung tarp simula pinaalis sa tricycle sa bahay na nilalagay nagawan ng paraan. Pero face mask na babaliktarin nakakabastos na po,”  lahad pa ng impormante.

Ayon pa sa source, marami umanong Lacson-Sotto face masks at tarp ang mga traysikel at padyak drivers pero imbes gamitin ay itinatabi na lamang sa bahay sa pangambang maprehuwisyo ang kanilang pamamasada araw-araw.

Isa umanong opisyal ng pulis na taga-Moriones sa Tondo ang posibleng nasa likod ng pananakot sa padyak at traysikel drivers.

        Ang mga impormante na ayaw munang magpabanggit ng pangalan ay nakatakdang magtungo sa headquarters ng Partido Reporma at sa pamunuan ng Philippine National Police (PNP) para idulog ang pandadahas na kanilang dinaranas dahil lamang sa pagsusuot ng Lacson-Sotto face mask sa hangaring magkaroon ng proteksiyon laban sa CoVid-19. (HNT)

About hataw tabloid

Check Also

Mr DIY Shop and Chill FEAT

Shop, Chill, and Bring Your Furry Friends to MR.DIY!
Step into MR.DIY, shop, and chill with your furry friends in our pet-friendly stores!

1. A Community of Pet Lovers Pets are integral to the MR.DIY experience. Witness adorable …

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …

Sa Bulacan 3 TULAK, 1 PUGANTE NASAKOTE NG PNP

Sa Bulacan  
3 TULAK, 1 PUGANTE NASAKOTE NG PNP

Arestado ng Bulacan PNP ang tatlong nangangalakal ng droga at isang pugante sa isinagawang anti-crime …

Quezon Provincial Police Office Lucena

8 intel officer arestado sa palpak na drug raid

CAMP VICENTE LIM, LAGUNA — Walong intelligence officer ang inaresto ng kanilang mga kasamahan sa …

shabu drug arrest

 6 tulak ng droga, timbog sa buybust

BAGSAK sa kulungan ang anim na hinihinalang drug personalities matapos malambat ng pulisya sa magkakahiwalay …