Tuesday , January 31 2023

Grupo nanawagan sa pamahalaan
AERIAL BOMBINGS SA BUTUAN, BUKIDNON ITIGIL

NANAWAGAN sa pamahalaan ang isang grupo nitong Lunes, 8 Nobyembre, na ipatigil ang pambobomba sa bayan ng Impasug-ong, lalawigan ng Bukidnon, na nagdudulot ng alarma dahil sa pagtaas ng karahasan sa Mindanao.

Ayon sa Philippine Ecumenical Peace Platform (PEPP), nagsimula ang naturang aerial bombings noong 30 Oktubre at ipinagpatuloy noong 2 Nobyembre matapos ang pansamantalang pagtigil sa mga liblib na lugar ng Butuan at Bukidnon.

Magdamag na umulan ng mga bomba na nagdulot hindi lamang ng sunog kung hindi pati trauma sa mga residenteng nakatira sa naturang lugar.

Sinabi ng PEPP na ayon kay Maj. Francisco Garello, tagapagsalita ng 4th Infantry Division ng Philippine Army, ginagawa ang pambobomba upang maubos ang NPA (New People’s Army) sa lugar kung saan napaslang si Jorge Madlos.

Dagdag ng grupo, ang pambobomba sa mga komunidad ay nagdudulot ng collateral damage at karaniwang mga nagiging biktima nito ay mga inosenteng sibilyan, na paglabag sa mga probisyon ng International Humanitarian Law.

Kilala si Jorge Madlos bilang Ka Oris, isang lider ng NPA na ayon sa militar ay nasawi sa pakikipagbarilan laban sa mga sundalo.

Samantala, pinabulaanan ito ng Communist Party of the Philippines at sinabing si Madlos ay walang dalang armas at tinambangan ng mga sundalo.

Nananawagan ang grupo sa pamahalaan at sa National Democratic Front of the Philippines na ibalik ang usapang pangkapayapaan upang maiwasan ang karahasan sa bansa.

About hataw tabloid

Check Also

Scam fraud Money

Sa takot sa asawa na malamang na-scam
GINANG NAGTANGKANG MAGPATIWAKAL

NAGTANGKANG magpatiwakal ang 32-anyos na ginang sa pamamagitan nang pagtalon sa isang footbridge dahil umano …

shabu drug arrest

Nag-aabutan ng shabu sa Vale
2 TULAK, HULI SA AKTO

BAGSAK sa kulungan ang dalawang hinihinalang drug personalities matapos maaktuhan ng mga pulis na nag-aabutan …

marijuana

Drug group member, kasabwat nabingwit sa drug bust

KULONG  na  ang dalawang tulak ng droga, kabilang ang isang miyembro ng “Zaragosa drug group” …

prison rape

Most wanted sa Vale
KELOT, HOYO SA KASONG STATUTORY RAPE

HULI ang isang 18 anyos na kelot na listed bilang most wanted sa kasong statutory …

cyber libel Computer Posas Court

Sex offenders database itinutulak ng senador

ITINUTULAK ni Senador Jinggoy Ejercito Estrada ang pagtatatag ng isang pambansang database ng mga sex …