Wednesday , February 28 2024
Leni Robredo

‘No vax, no subsidy’ vs 4Ps beneficiaries inalmahan ni Leni

KINUWESTIYON ng kampo ni Vice President Leni Robredo ang panukalang “no CoVid-19 vaccination, no subsidy” para sa mga benepisaryo ng Pantawid Pamilyang Pilipino Program (4Ps).

Iminungkahi ng Department of the Interior and Local Government (DILG) kamakalawa ang naturang patakaran dahil marami umano sa apat na milyong benepisaryo ng 4Ps ay hindi pa nag­papabakuna o ayaw magpabakuna kontra CoVid-19.

Nanindigan si Robre­do na ang pagpapa­bakuna ay pagpapasya ng isang indibidwal at hindi dapat ipilit at gamitin sa pananakot.

“Si VP Leni sinabi na niya ito nang ilang beses, sa kanyang pananaw, hindi dapat pilitan ang ginagawa, hindi dapat pananakot,” ayon kay Barry Gutierrez, taga­pagsalita ni Robredo sa panayam sa DZXL.

“Maraming solusyon na hindi kailangang puwersahan, ‘yun ang sinasabi ni VP Leni batay sa kanyang sariling karanasan,” dagdag niya.

Ipinaliwanag ni Gutierrez, batay sa karanasan ng  vaccine express ng Office of the Vice President, ang pagdadalawang-isip ng ilan ay ang posibilidad na mawalan ng kita kapag lumiban sa trabaho kapag nakaranas ng side effect ng bakuna.

Mas mainan aniya na bigyan ng insentibo ang magpapabakuna upang mapunuan ang pag­kawala ng kita kapag hindi nakapag­hanap­buhay dahil sa side effect ng CoVid-19 vaccine.

“So, minsan ang kailangan lang habulin incentive. Bibigyan mo ng katiyakan na kahit ikaw lagnatin, kailangan mo magpahinga ng isa o dalawang araw, hindi mo kailangan alalahanin ang iyong pamilya,” ani Gutierrez.

Kailangan aniyang paigtingin ang information campaign upang maengganyo ang mga tao na magpaba­kuna.

Batay sa pinaka­huling Social Weather Stations, 64 porsiyento ng mga Pinoy ang gustong magpabakuna laban sa CoVid-19 , mas mataas sa 55 porsiyentong naitala noong Hunyo 2021.

Umabot sa P58.17 bilyon ang inutang ng administrasyong Duterte pambili ng CoVid-19 vaccine, P24.2 bilyon mula sa World Bank, P19.4 bilyon sa Asian Development Bank (ADB) at 14.57 bilyon sa Asian Infrastructure Investment Bank (AIIB).

(ROSE NOVENARIO)

About Rose Novenario

Check Also

Mr DIY Team Kramer 500 1

Team Kramer Joins MR.DIY in Celebrating 500th Store Milestone in Panglao, Bohol

MR.DIY Philippines CEO Roselle Andaya, alongside Doug and Cheska Kramer, jointly pressed the button to …

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

Buddy Encarnado NCRAA

Bago, talentadong local cager target sa NCRAA 30th Season

HANGAD ni General Manager Buddy Encarnado, dating PBA chairman at team governor ng Sta. Lucia, …

Krystall Herbal Oil

Insekto at kulubot pinatalbog ng krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Good morning …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …