Saturday , February 4 2023

Iniwan ng live-in partner
KELOT NAGLASLAS NG LEEG KRITIKAL

KRITIKAL ang kalaga­yan sa pagamutan ng isang lalaki matapos magtangkang magpa­kamatay sa pamama­gitan ng paglalaslas ng leeg dahil sa depresyon makaraang iwan ng kanyang live-in partner sa Malabon City, kahapon ng madaling araw.

Patuloy na inoobser­bahan sa Tondo Medical Center (TMC)  ang biktimang  kinilalang si Relix Charlie Lita, 36 anyos, residente sa Bernales III St., Brgy. Baritan sanhi ng laslas sa lalamunan.

Ayon kay Malabon police chief P/Col. Albert Barot, dakong 2:00 am nang madis­kubre ng kanyang pinsan na si Kimple Villegas, 32 anyos, na naliligo sa sariling dugo ang biktima sa kuwarto ng kanilang bahay.

Agad humingi ng tulong sa mga barangay tanod at pulisya si Villegas.

Nang malaman ang insidente, inatasan ni Sub-Station-7 chief P/Maj. Patrick Alvarado ang kanyang mga tauhan sa pangunguna ni P/Cpl. Vicente Evangelista at P/Cpl. Karen Borromeo na pumunta sa naturang lugar.

Matapos malaman na buhay pa ang biktima, agad humingi ng tulong ang pulisya sa Malabon Rescue Team na mabilis isinugod si Relix sa Tondo Medical Center kung saan patuloy na inoobser­bahan sanhi ng laslas sa kanyang leeg.

Sa pahayag sa pulisya ng ina ng biktima na si Regina Lita, 54 anyos, duma­ranas ng depresyon ang kanyang anak matapos siyang iwanan ng live-in partner kasama ang tatlong-buwan gulang nilang anak na lalaki.

Dagdag niya, dala­wang beses nagtang­kang magpakamatay ang kanyang anak noong nakalipas na mga taon ngunit napigilan ng kanyang mga pinsan.

(ROMMEL SALES)

About Rommel Sales

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …