HATAW! D'yaryo ng Bayan hatawtabloid.com
NANAWAGAN si dating Health Secretary, Rep. Janette Loreto-Garin na huwag maniwala sa mga pekeng mensahe patungkol sa 2019 novel Coronavirus.
“Keep calm and don’t panic,” ani Garin.
Ayon kay Garin hindi dapat mag-panic ang mga tao bagkus mag-ingat at gawin ang nararapat na precautionary measures.
Aniya, kumakalat ang napakaraming mga mensahe sa social media na nagsasabing may Wuhan coronavirus sa mga ospital.
“This is a wrong way to help. Akala ng iba, makatutulong ito ngunit panic po ang nagiging resulta nito. Panic should not have a place during this times,” ayon kay Garin.
Ayon sa dating kalihim, nakadidiskaril sa diskarte ang pagpa-panic dulot ng mga mensaheng gaya nito.
Aniya, ang mga sintomas ng 2019 nCov ay “non-specific and mimics many other respiratory illnesses kaya marami ang puwedeng maging person of interest.
“May protocol na sinusundan ang hospitals and doctors at bawat impormasyon na kailangan malaman ng tao ay agad inilalabas ng ating departamento sa isang presscon na agad namang inilalabas ng iba’t ibang ‘media agencies. Dito tayo makinig at sumunod. Huwag maging parte sa pagkakalat ng mga panic triggering messages,”bilin ni Garin.
“Lumalabas din ang mga impormasyon tungkol sa mortality rate at sa rate of transmission ng 2019 nCoV. Idinidikit ang mga numerong ito sa mga nakababahalng retrato o kaya sa mga click bait headlines para lalong matakot ang mga tao,” paliwanag niya.
Aniya, mas mababa ang mortality rate ng 2019 nCoV kompara sa SARS na 10%. MERS-CoV na 30%, Ebola na 50%. The novel coronavirus’ rate of transmission is about 4%. This is less alarming than that of SARS at 2-5% and measles which is at 12-18%.
Hindi, aniya pinal ang mga numero patungkol dito habang pinag-aaralan ng mga eksperto ang Wuhan coronavirus.
“It is safe to say that we have been through the worse. Hindi nakukuha ang virus na ito sa hangin, unlike measles,” ani Garin.
“Ang kailangan nating lahat ay proper hygiene, tama at madalas na paghuhugas ng kamay at proper disposal of wastes like tissue paper lalo na kung naubuhan or siningahan ito. Kung uubo o babahing, huwag gamitin ang kamay pangtakip. Gumamit ng tissue, o bumahing sa braso, bandang loob ng siko. Seek early consultation kung may sintomas na naoobserbahan lalo kung may kasamang panghihina ng katawan. Proper rest and diet will boost our resistance. For those who are immunocompromised (the very young and the very old and those with concurrent illnesses), please avoid crowded areas,” ani Garin. (GERRY BALDO)
