Thursday , March 28 2024

Asin tax dapat asintado — Quimbo

KINUWESTIYON ni Marikina City (2nd Dist) Rep. Stella Luz Quimbo ang gustong mangyari ng Depar­tment of Health na patawan ng buwis ang asin bilang paraan sa pagkontrol ng non-communicable diseases o NCDs.

“Sa panukalang ito, tamang pag-asin-ta ang tingin kong kailangan,” ani Quimbo.

Ang NCDs ang leading cause of death sa Filipinas at sa buong mundo. Ayon sa World Health Organization, 68% ng mga namamatay na Filipino taon-taon ay NCDs ang dahilan, at malaking factor dito ang unhealthy diet, partikular ang high salt intake.

Payo ng WHO, five grams lang ng asin ang dapat na nakokonsumo ng isang tao araw-araw. Pero base sa datos mula sa DOH, umaabot sa 11 to 12 grams ang average daily con­sump­tion natin ng asin.

“Ang tanong: tama bang magpataw ng Asin Tax? Sa totoo lang, kakaunti lang ang bansang mayroong Asin Tax. Mayroong junk food tax sa Hungary at Mexico,” pahayag ni Quimbo.

Aniya, ang pag-tax ay parang paggamit ng baril. Dapat maging maingat sa paghawak nito. Sa tamang paggamit, guns can save lives. Kung hindi naman, baka makadisgrasya o makapatay ng inosente. Kaila­ngan asin-tahin natin kung sino o ano talaga ang target. Huwag shotgun approach!

Ayon sa National Demo­graphic and Health Survey, ang pinakamayayaman ang may pinakamataas na insidente ng NCDs tulad ng hypertension at heart disease. Sila ay mayroong 17.2% incidence rate ng hypertension habang nasa 3.7% ang pinakamahihirap, paliwanag ni Quimbo.

Tanong niya: “Saan galing ang high salt sa diyeta ng pinakamayayaman?”

Isang source ang processed meat. Nasa 3% ng kanilang food expenditure ay para sa pro­cessed meat. Samantala, nasa 1.1% lang ng total food expen­diture ng pinakamahihirap sa processed meat.

Aniya ang dapat tingnan ng DOH ay junk food bilang source of sodium at puwedeng patawan ng buwis.

”’Less essential’ naman ito kompara sa maasing ulam,” ani Quimbo.

“Kung ipapataw ang Asin Tax sa salted fish (tulad ng daing) at instant noodles, ang mahihirap ang matatamaan dito,” ayon sa kongresista ng Marikina.

Isinanguni ni Quimbo ang Family Income and Expenditure Survey na nagsasabing, 4.9% ng total food expenditure ng pinakamahihirap na pamilya ay nagagastos sa daing, instant noodles, at sardinas. Nasa 1.6% lang ang porsiyento ng salted fish and instant noodles sa pangkabuuang gastos sa pagkain ng mga mayayaman.

“Sa pagpataw ng isang malawak na buwis sa salty food, mahihirap ang unang matata­maan, when in fact it is actually the richest sector of our population that is suffering from the diseases the DOH wants to address with its proposal,” aniya.

“Baka imbes Asin Tax, mas effective pa ang malawakang information campaign tungkol sa tamang pagkain na ang makikiki­nabang ay lahat ng income groups,” ayon kay Quimbo.

 (GERRY BALDO)

About Gerry Baldo

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *