Friday , February 3 2023

Ibinuking ng Solon: PWD ID for sale sa ‘rich kids’

ISINIWALAT ni ACT-CIS partylist  Rep. Eric Yap, ang identification card para sa persons with disability (PWD) ID ay ibinebenta ng mga fixer sa mga taong walang kapansanan.

Ani Yap, nagagamit ang PWD ID ng iilang mayayaman bilang dis­count card upang maka­tipid sa pagbabayad sa bilihin at mga serbisyo.

Nakaiiwas din, umano sa pagbayad ng value-added tax (VAT).

“May nag-report sa akin na ‘yung anak daw niya maraming classmate sa La Salle, naka-PWD po lahat, walang sakit,” ani Yap.

Sa ulat, sinabing pinadalhan ng sulat ng tanggapan ni Yap ang La Salle para sa nasabing isyu.

Ani Yap, halos 32 porsiyento ang nadi-discount sa pagkain kapag pinagsama ang 20 porsiyentong diskuwento at ang 12 porsiyentong VAT na naiiwasan ng mga may hawak na PWD ID kahit wala namang kapansanan.

“Ginagawa na nilang discount card ang PWD ID,” ayon kay Yap.

Ang PWD ID, ay nakukuha sa mga fixer sa ahensiya ng gobyerno kapalit ang P3000 hangang P5000.

“Kung ang peke (na PWD) na dumaraan sa mga fixer ay darami nang darami, e kawawa ho ‘yung mga tunay na PWD dahil sila ang mauubusan ng pondo rito at sila ang hindi makakukuha (ng ID),” ani Yap.

ni GERRY BALDO

About Gerry Baldo

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply