Friday , January 28 2022

Polio virus binuhay ng ‘tsismis’ — Garin

Isinisi ni dating Health Secretary na ngayon ay Senior Minority Leader Janette Loreto-Garin ang pagsiklab ng polio sa bansa sa mga “fear-mongers” at “pseudo-experts” na naghasik ng pagkatakot sa dengue vaccine.

Ayon Garin, kumuka­lat na naman ang polio sa bansa matapos ang pag­kawala sa nakalipas na 19 taon.

Ayon sa Department of Health (DOH) nitong 19 Setyembre 2019, kompirmado ang mga kaso ng polio sa Lanao Del Sur at Laguna.

“The resurgence of Polio is a measurement of the effectiveness of fake news being spread by fear-mongers against vaccines and a testament to the new challenges public health is facing,” ani Garin.

Aniya ang takot ng taong-bayan sa pagpa­paturok ng mga bakuna ay nagsimula sa mga taong nagpangap na may alam sila sa dengue vaccine.

“They plastered their faces and spewed lies after lies feeding the media. They frightened the people of an effective vaccine which is now being used in 21 countries including the US (United States) and the EU (Euro­pean Union),”  ani Garin.

Tinutukoy ni Garin ang Dengvaxia.

Nagkaroon, umano, ng takot ang mamama­yan sa bakuna na nagre­sul­ta sa pagkalat ng tig­das, Japanese encepha­litis, at dengue.

Wala aniyang ginawa ang mga opisyal ng DOH, dahil sa takot na sila ay sampahan ng kaso.

“Kung konti lang ang nagpapabakuna, may posibilidad na magising ang matagal nang knock­out na polio virus,” aniya.

“Ngunit ngayon na bumalik ang polio, hini­hikayat ko ang lahat, lalo ang mga magulang na pabakunahan ang kani­lang mga anak. Kailangan makompleto ang lahat ng bakuna. Ugaliin din mag­hugas ng kamay at du­mu­mi lamang sa mga palikuran,” ayon kay Garin.

Aniya nagtagumpay ang mga “alarmists and the pseudo-experts” sa pagpabalik ng mga sakit na nawala sa bansa.

Hinikayat ni Garin ang media na bawasan ang pagpalabas ng mga “fear-mongers” at ilabas ang istorya ng mga tunay na eksperto sa mga sakit na nabanggit.

(GERRY BALDO)

About Gerry Baldo

Check Also

Manny Villar ABS-CBN

Broadcast frequencies ng ABS-CBN, ‘nasulot’ ni Villar

MALABO nang mabawi ng ABS-CBN ang kanilang prankisa sa susunod na administrasyon dahil ibinigay na …

Duterte, ‘maritess’ na pangulo — netizens

BUKOD sa tawag na lameduck, tinaguriang ‘Marites’ o taong mahilig sa tsismis si outgoing President …

Defensor kinutya sa mga maling paratang sa QC

HATAW News Team KAMAKAILAN may mga ikinalat si Anak Kalusugan Party-list representative Mike Defensor na …

Sa ‘Landbank theft’
SANLINGGO ULTIMATUM NG TEACHERS SA DEPED

ni ROSE NOVENARIO             ISANG linggo ang ibinigay na ultimatum ng mga guro sa Department of …

Bongbong Marcos

Mariing itinanggi BBM: Walang ‘Tallano gold’

MARIING itinanggi ni presidential aspirant Ferdinand “Bongbong” Marcos, Jr., ang sinasabing Tallano gold sa gitna …

Leave a Reply