Friday , May 24 2024

P4.1-T 2020 national budget aprub ngayon

AAPROBHAN ng Ka­ma­­­ra ang panukalang P4.1 trillion national budget para sa 2020 nga­yong araw, Biyernes, imbes sa unang Linggo ng Oktubre.

Ang maagang pagpa­sa ng budget ay bunsod sa sertipikasyong “urgent bill” ng Malacañang.

Ayon kay House committee on appro­priation chairman Isidro Ungab ng Davao City, mapadadali ang pagpasa sa budget dahil “urgent bill” na ito.

“Given the said certification, the P4.1 trillion budget for 2020 may be passed on the same day without waiting for separate days to have it approved on 2nd and 3rd readings. Thus, it is possible that the GAB will be passed this Friday, since it was already certified as urgent,” ani Ungab.

Aniya, ayaw ng liderato ng Kamara na maulit ang nangyari noong nakaraang taon na na-delay ang pag-aprub sa budget dahil sa “insertions” ng pork barrel.

Nanindigan si House Speaker Allan Peter Cayetano na walang pork barrel sa 2020 budget.

Ang porl barrel ay isang lump sum na budget na ibinibigay sa bawat miyembro ng Kamara ngunit ipinag­bawal ito ng Korte Suprema.

Noong mga naka­raang Kongreso bawat isang kongresista ay binibigyan ng P70 mil­yones para sa mga proyekto sa kanilang mga distrito.

Sila ang nagsasabi kung saan at paano gagastusin ang pondo pagkatapos pirmahan ng pangulo ang pambansang budget.

Ayon sa Korte Supreme, hindi pupu­wedeng pakialaman ng kongresista ang budget pagkatapos itong maging batas.

“Yung “No Pork, No Parking, No Delay” ‘yan ang mantra namin,” ani Cayetano.

Taliwas sa sinabi ni Cayetano, sinabi ni House ways and means committee chairman Joey Salceda, binigyan ng tig-P100 million ang bawat kongresista para sa mga proyekto nila.

P70-milyones para sa impraestruktura kagaya ng mga kalsada at P30-milyones para sa mga tinatawag ng “soft projects” kagaya ng “medical assistance” para sa mga botante nito.

Sa panig ni House deputy Speaker Raneo Abu, kailangan nang maipasa ang budget dahil dito nakasalalay ang pag-unlad ng bansa.

“The passage of the 2020 national budget is our commitment to the President and the public to make the life of Filipinos comfortable. Definitely, this will uplift the living condition of poor Filipinos in all parts of the country. This will also ensure the country’s high and sustainable economic growth per­formance,” ani Abu.

(GERRY BALDO)

About Gerry Baldo

Check Also

Alice Guo Chiz Escudero

Presumption nananatili – SP Chiz Escudero 
NAG-AKUSA vs MAYOR GUO DAPAT MAGLABAS NG PRUWEBANG HINDI SIYA PINOY

HINDI si Bamban, Tarlac Mayor Alice Guo kundi ang mga nag-aakusa sa kanya ang dapat …

Ops vs krimen umarangkada 24 suspek timbog sa Bulacan

Ops vs krimen umarangkada 24 suspek timbog sa Bulacan

NASAKOTE ang 24 inidbiduwal na sangkot sa iba’t ibang krimen at paglabag sa batas sa …

Sa Orion, Bataan BATAKAN BINAKLAS, 4 DURUGISTA TIKLO

Sa Orion, Bataan
BATAKAN BINAKLAS, 4 DURUGISTA TIKLO

WINASAK ng mga tauhan ng Philippine Drug Enforcement Agency (PDEA) Bataan Police Office (BPO) sa …

2 Most wanted persons ng CALABARZON arestado

2 Most wanted persons ng CALABARZON arestado

NASAKOTE ang dalawang lalaking nakatala bilang Regional Level Most Wanted Persons sa magkahiwalay na manhunt …

Jeannie Sandoval Malabon DBP

Para palakasin ang pabahay, kalusugan, infra projects at socio-economic dev’t
MAYOR JEANNIE SANDOVAL NAKIPAG-UGNAYAN SA DBP

UPANG mapabuti ang paghahatid ng mga serbisyo sa mga Malabueño, nakipagtulungan ang pamahalaang lungsod ng …

Leave a Reply

Your email address will not be published. Required fields are marked *