Friday , July 1 2022

P108.8-B sa 4Ps ikinakasa sa nat’l budget

MAKIKINABANG nang malaki ang pamilyang Filipino sa pagtaas ng pon­do ng Pantawid Pamil­yang Pilipino Pro­gram (4Ps) sa darating na taon sa panukalang bud­get na pinag-uusapan sa Kamara ngayon.

Ayon kay House Majority Leader Martin Romualdez, imbes P500 ang makukua ng bawat mag-aaral sa pamilyang nagbebenepisyo rito, ang ibibigay ng gobyerno ngayon ay P300 bawat bata na naka-enrol sa day care at elementary, P500 para sa junior high school at P700 sa senior high school.

“This is a significant adjustment from the previous 4Ps where education grants were pegged at P500 per month, regardless of whether the child is enrolled in junior or senior high school,” ani Romual­dez.

Aniya nagkasundo ang mga lider ng bawat partido sa Kamara na suportahan ang P108.8 bilyong inilaan ng Mala­cañang para sa 4Ps at P166.5 bilyon naman para sa Universal Health Care.

Ang pondo para sa 4Ps at UHC ay nakapa­loob sa panukalang 2020 national budget na isi­numite ng Malacañang sa Kamara noong nakarang linggo.

Ang 4Ps ay inilunsad noong 2007 sa pangalang Ahon Pamilyang Pilipino bago naging flagship program ng adminis­trasyong Gloria Maca­pagal Arroyo noong 2008 sa pangalang 4Ps.

Naging batas ito kama­kailan sa ilalim ng kasalukuyang admi­nistrasyon bilang Republic Act 11310.

Mula 31 Marso 2019, ang 4Ps ay ipinama­mahagi sa 144 bayan at 1,483 munisipyo sa 80 probinsiya.

Nakikinabang dito ang 4,876,394 pamama­hay na nakarehistro sa programa.

Noong nakaraang 2018, ang Department of Social Welfare and Develop­ment (DSWD) ay nakapamahagi na ng P81,456,386,100 sa mga lehitimong bene­pisaryo.

Ang mga kasalu­kuyang miyembro rito ay magkakaroon ng P750 kada buwan para sa “health services” imbes P500 katulad noong isang taon.

Ayon kay Deputy Speaker at Batangas Rep. Raneo Abu, importanteng maipasa agad ng Kongre­so ang panukalang budget na nakatuon sa pagpuksa ng kahirapan sa bansa.

“We will not allow any budget delay because it will derail President Duterte’s poverty reduction efforts. House leaders under Speaker Cayetano will ensure that the government will be able to accelerate the implementation of its infrastructure projects by providing the necessary funding,” ani Abu.

“The swift im­plementation of projects, such as hospitals, schools, construction of new roads and other vital programs that will promote the welfare of the mar­ginalized sector will create more opportunities and jobs for Filipinos,” dagdag ni Abu.

(GERRY BALDO)

About Gerry Baldo

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply